Carlos Garaikoetxea lehendakariaren hil-kapera hartuko du Ajuria Eneak asteazken honetan
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango dioten azken agurra demokraziako lehen lehendakariari.
Asteazken honetan, Carlos Garaikoetxea demokraziako lehen lehendakari izan zenaren hil-kapera hartuko du Ajuria Eneak. Garaikoetxea joan den astelehenean hil zen, 87 urte zituela, Iruñean, bere jaioterrian.
Eusko Jaurlaritzak hiru eguneko dolu ofiziala ezarri du haren heriotzagatik, eta bandera ofizialak erdi-eskegita daude.
Honela izango da azken agurra
Euskal gizartearen ordezkaritza zabala joango da Vitoria-Gasteizera, Ajuria Enea jauregira, Carlos Garaikoetxeari azken agurra ematera. Bertan izango dira, Imanol Pradalesekin batera, azken hiru lehendakariak, Eusko Legebiltzarreko presidentea eta Mahaiko kideak. Politikari nagusiez gain, herritar ugari hurbiltzea espero da, Euskadi modernoaren eraikuntzan funtsezkoa izan denari omenaldia egiteko.
- 09:30 Imanol Pradales lehendakariak Carlos Garaikoetxearen gorpuzki eta haren familiari harrera egingo die. Sei agentek eramango dute hilkutxa autotik Ajuria Enea barrura, musika-bandak Euskadiko ereserkia jotzen duen bitartean.
- 10:00-14:00 Hil-kapera Ajuria Enean egongo da jarrita, eta nahi duten guztiek bisitatu ahal izango dute. Amaitutakoan, sei agentek eramango dute hilkutxa Ajuria Enetik hileta-autora, Iruñeko hilerrira joateko.
- 17:00 Ekitaldia egingo dute familiaren intimitatean.
- 19:30 Hileta-elizkizuna egingo dute Iruñeko San Frantzisko Xabierreko parrokian.
Astearte honetan, Imanol Pradales lehendakariak Carlos Garaikoetxearen figura goraipatu du, "autogobernuaren arkitekto" eta "euskal identitatearen eta ongizatearen berpizkundearen egile" gisa. Nabarmendu du, halaber, lehendakari "pragmatikoa" izan zela, baina baita "Euskadi aske bat" amestu zuen "ameslaria" ere.
Erakunde-adierazpen baten bidez egin du, Eusko Jaurlaritzako sailburuek parte hartu duten agerraldi publiko batean; aurretik, zutik, minutu bateko isilunea gorde dute.
EITBren jarraipen zabala
EITBk programazio berezia hartuko du Garaikoetxeari azken agurra emateko. 09:55ean, ETB1ek goizeko programazioa aldatuko du Gasteizko hil-kaperaren jarraipena egiteko. 11:00etan, En Jake saioa ohikoa baino ordu erdi lehenago hasiko da, Leire Torrerekin eta Dani Alvarezekin egingo duten saio berezi batekin.
Zure interesekoa izan daiteke
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Bihar goizean, Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, eta arratsaldean, Iruñeko San Frantzisko parrokian, hileta-elizkizuna egingo da.
Garaikoetxea, azken agerraldian: "Euskal gizarteak etorkizuneko erronkak gaindituko ditu, elkartuta eta aniztasuna errespetatuz"
Carlos Garaikoetxeari 2025eko ekainean egindako omenaldian, besteak beste, haren garaiko hiru sailburu izan ziren, eta lorpenen artean bidegorriak, euskara batua eta Ajuria Enea Jauregia erosi izana azpimarratu zituzten.
Pradalesek Garaikoetxeak utzitako ondarea goraipatu du, gizartean eta politikan, "erreferente politikoa eta autogobernuaren arkitektoa" izan baitzen
Adierazpen instituzionalean, Gernikako Estatutua garatu eta euskal erakundeak sendotzeko egindako ekarpena nabarmendu du lehendakariak.
Borja Semper, politikara itzuli berri: "Ez dut zirku eta irain kontuetan parte hartuko"
Kultura eta Kirol idazkariorde eta PPren Espainiako bozeramailea politikara itzuli da, pankreako minbiziagatik hamar hilabetez erretiratuta egon ostean.
Lehendakariaren adierazpen instituzionala Garaikoetxearen heriotzaren ondoren
Imanol Pradalesek adierazpen instituzionala egingo du 11:30ean, atzo Carlos Garaikoetxea lehendakaria hil eta gero.
Albiste izango dira: Carlos Garaikoetxeari agurra, Tubos Reunidosen hartzekodunen konkurtsoa eta Maialen Mazonen ustezko hiltzailearen aurkako epaiketa
Gaurkoan Orain-en albiste izango direnen laburpena, bi hitzetan.
Garaikoetxearen lagun eta kolaboratzaileek goraipatu egin dituzte haren gizatasuna eta ausardia
Ondare handia utzi du Garaikoetxeak, eta bere gertuko lagun eta kolaboratzaileek askotariko mezuak zabaldu dituzte haren lana goraipatzeko. Esaterako, Pedro Luis Uriartek, harekin Ekonomia sailburu izan zenak, azpimarratu du zulo beltzean zegoen herria berpizteko ausardia izan zuela, eta “oso eskertuta” egon beharko genukeela.
Eusko Jaurlaritzak hiru dolu-egun ezarri ditu
Dolu-aldia astelehen honetan hasi da eta asteazkenean amaituko da. Gorpua bihar, asteartea, Iruñeko beilatoki batean egongo da, eta asteazkenean Ajuria Enean jarriko dute hil-kapera.
Garaikoetxea "garai zailetan ezina ekinez lortu" zuen liderra izan zela nabarmendu du Pradalesek
Mezu batean, lehendakariak eskerrak eman dizkio herriari onena emateagatik: "Eskerrik asko maite zenuen herriaren eta askatasunaren alde onena emateagatik. Ez dizugu hutsik egingo".