Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Ozeano Atlantikoan zebilen luxuzko gurutzaldi batean hiru pertsona hil dituen birusa Andes anduiko hantabirus gisa identifikatu dute, gizakien artean transmititu daitekeela dokumentatu den bakarra.
Identifikazioa PCR bidez aztertutako lagin baten bidez lortu dute. Kaltetutako ontzian (MV Hondius) egondako pertsona bati hartu diote, eta Genevako Unibertsitate Ospitaleetako Gaixotasun Biral Emergenteen Zentroak jakitera eman du informazioa. Berehala jakinarazi dizkie emaitzak Suitzako Osasun Publikoko Bulego Federalari eta
OMEri.
Gurutzaontzia Argentinatik abiatu zen, eta apirilaren hasieran bidaiari nederlandar bat sintomak izaten hasi zen. Gizona apirilaren 11n hil zen. Haren emazteak ere sintomak agertu zituen; Santa Helena uhartean lehorreratu zen, eta ondoren Johannesburgera (Hegoafrika) joan zen, baina han hil zen, ospitale bateko larrialdi zerbitzuetan. Hirugarren biktima bat, emakume alemaniar bat, maiatzaren 2an hil zen, pneumonia zantzuak agertu eta lau egunera.
Egoera ikusita, Espainiako Osasun Ministerioak erabaki Tenerifeko uhartea izango dela Hondius ontziko bidaiarientzako eta tripulazioarentzako arreta medikorako gunea, ontzia gaur egun Cabo Verden ainguratuta dagoen arren.
Halaber, medikua Tenerifera eramatea aurreikusi dute, hegazkin medikalizatuan. Bestalde, Herbehereetako Kanpo Arazoetako Ministerioak iragarri du hiru gaixo premiaz ebakuatzeko prestatzen ari dela, Oceanwide Expeditions itsas bidaia enpresa operatzailearekin koordinatuta.
Cabo Verdeko agintariek baieztatu dute anbulantzia-hegazkinetako bat iritsi dela gaixoak ebakuatzeko, ez baitute ontzia beren lurraldean porturatzea baimendu.
Zure interesekoa izan daiteke
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik azaltzen zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
ELA, LAB eta Steilas kalera aterako dira gaur Bilbon euskararen alde
Mobilizatzea erabaki dute "euskaraz lan egiteko eta bizitzeko eskubidearen aurkako ofentsiba judizial, politiko eta sindikalaren aurrean".
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.