Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Angulak konfiskatu dituzte. Argazkia: Guardia Zibila
Guardia Zibilak amaitutzat eman du Putzua operazioa, aingira europarraren legez kanpoko trafikoan aritzen zen gaizkile talde bat deseginda. Espezie babestua da, eta kontserbazio egoera kritikoan dago.
Frantziako Jendarmeriarekin batera egindako operazioan, 10 pertsona atxilotu eta ikertu dituzte, eta merkatu beltzera bideratutako 400 kilo angula baino gehiago atzeman dituzte.
Ikerketa 2025. urtearen hasieran abiatu zuten, eta Gipuzkoan eta Iparraldean ezkutuan ari zen eta kontrolak saihesten zituen arrantzale talde bat identifikatu zuten. Talde horrek arrantzatutakoa enpresa bati saltzen zioten, legez kanpo banatzeko, osasun bermerik gabe.
Operazioaren azken fasean, 4 pertsona atxilotu dituzte Gipuzkoan, eta miaketak egin dituzte hainbat enpresa eta etxetan. Agenteek 28 kilo angula bizi eta 407 kilo angula izoztu atzeman dituzte. Osasun kontrolik gabe bildutako produktua zen; beraz, ez zen egokia giza kontsumorako. Jatorri argirik gabeko 65.000 euro ere konfiskatu dituzte operazioan.
Aldi berean, Iparraldean, 6 pertsona atxilotu eta beste horrenbeste miaketa egin dituzte. Gainera, 10 kilo angula izoztu eta 13.000 euro atzeman dituzte.
Aingira europarraren (Anguilla anguilla) ale gazteak dira angulak. Espezie horren egoera kritikoa da, eta nazioarteko merkataritza erabat araututa dago. Asiako merkatuetan, baina, eskari handia dago, eta kiloko 5.000 euro ere oraindu izan dituzte. Horregatik, legez kanpoko trafikoan espezializatutako taldeak sortu dira horren inguruan.
Zure interesekoa izan daiteke
Tenperatura altuek gorabeherak eragin dituzte
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da, tenperatura altuek eragindako arazo teknikoengatik.
Sokamutura itzuli da Eibarrera, 8 urte geroago
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertuko sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko erreietako bati eragin dio suteak, eta, ondorioz, arazoak izan dira zirkulazioan. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.
Eusko Jaurlaritzaren "kriminalizazio kanpaina" eta Ertzaintzaren "basakeria" salatu dute milaka pertsonak Bilbon
Milaka lagun eta gizarte eragile, Global Sumud Euskal Herriako kideak tartean, bildu dira arratsaldean Bilbon, "Poliziaren zigorgabetasunaren eta errepresioaren aurka" protesta egiteko. Eusko Jaurlaritzak "herri mugimenduaren aurka egindako kriminalizazio kanpaina" eta "Ertzaintzaren basakeria" salatu nahi izan dute, eta EAJk "protestarako eskubidea bere interesekoa denera mugatzen duela" ohartarazi dute.
Ia 48.000 pertsonak hartu dute parte Osakidetzako EPEaren bigarren egunean, eta beste 43.000ren txanda izango da igandean
Ostiralean hasi eta igandera bitartean, bederatzi kategoria profesionaletako aztekerketak ari dira egiten BECen. 101.000 hautagai dira orotara, 3.764 lanpostu betetzeko.
Hainbat pertsona artatu dituzte Gasteizko lantegi abandonatu batean izandako sutean kea arnasteagatik
Sua 10:30 inguruan piztu da, URSSA fabrikaren eraikin zaharrean, eta suhiltzaileak, Ertzaintzako agenteak eta osasun-langileak bertaratu dira. 44 urteko emakume bat atxilotu dute ustez sutea eragin duelakoan.
Bardeako Ferial urtegiaren ondoan piztutako baso-sutea kontrolpean hartu dute
Dispositibo berezi batek sua geldiarazi du, baina 4-5 hektarea zuhaizti kiskali dira. Bero handieneko denboraldiaren hasieran arreta handiz ibiltzeko eskatu dute agintariek.
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.