Albiste izango dira: hantabirusaren azken ordua, Tubos Reunidoseko langileen batzarra eta salaketak Igorren Gabonetako Loteriagatik
Gaurkoan Orain-en albiste izango direnen laburpena, bi hitzetan.
Herbehereetako anbulantzia bat, gurutzontziaren kutsatuetako baten zain. Argazkia: EFE
Honako gai hauek hartuko dituzte gaur, 2026ko maiatzaren 7an, hedabideetako lerroburu nagusiak:
-Hantabirusaren azken ordua: hantabirusaren agerraldia izan duen gurutzontzia Teneriferakko bidean da, eta larunbatean iristea espero da. Apirilaren 22an Santa Elena uhartean lehorreratu ziren 23 bidaiariren osasun-egoera arakatzen saiatzen ari da OME, inolako osasun-kontrolik eta berrogeialdirik igaro zirelako.
-Tubos Reunidoseko langileen batzarra: enpresa-batzordea erabat zatituta dago. Langileen sektore kritikoak batzarra deitu du, gehiengo sindikalak elkarretaratzea deitu duen bitartean. Greba mugagabearekin jarraitu ala ez bozkatuko da batzar horretan.
-Igorren Gabonetako Loteria dela-eta jarritako salaketak: dagoeneko 79 pertsonak jarri dute salaketa Ertzaintzan, Arratiko Zekorrak errugbi taldearen saritutako loteria-partaidetzengatik. Klubak aitortu du behar baino 225 partaidetza gehiago saldu zituela, eta, beraz, 80 pertsona inguruk ezin izan dutela oraindik saria kobratu.
Zure interesekoa izan daiteke
Gutxienez sei kilometroko auto-ilarak AP-8 autobidean, Usurbilen, Irungo noranzkoan
Erreietako bat itxita dago AP-8 autobidean, Usurbil parean, Irunerako noranzkoan, lau autok istripua izan ostean. Bigarren istripu batek are gehiago zaildu du egoera, eta auto-ilara luzeak sortzen ari dira Irungo noranzkoan.
Osasun-matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da jada. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese 'Gernika' aurrean: Ikaragarria da, Gazan ikusi dudanaren erreflexua dirudi
Francesca Albanese Nazio Batuen Erakundeko Palestinarako kontalaria txundituta agertu da asteazken honetan 'Gernika' Pablo Picassoren margolan ospetsuaren aurrean. Bere ustez, "gerra zibilaren suntsiketaz" hitz egiten badu ere, lurralde palestinar okupatuetan ikusitakoarekin "antzekotasun handia" du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.
Gizakien artean kutsa daitekeen andui batekoa da gurutzaontziko hantabirus agerraldia
MV Hondius ontzian izandako agerraldiak hiru heriotza eragin ditu, eta MOErekin lankidetzan ari den laborategi baten arabera, Andes anduiari dagokio.
Maialen Mazon hiltzeaz akusatutako gizona, lagun bati: "Ederra egin dut"
Prozesu judizialak aurrera egin du, eta akusatuak krimenaren ondorengo orduetan zer egin zuen agerian geratu da: Valentziara ihes egin nahi izan zuela zehaztu dute.