Rajoyk elkarrizketa eskaini dio Rubalcabari, abortuaren legea adosteko
Mariano Rajoy Espainiako Gobernuko presidenteak elkarrizketa eskaini dio gaur Alfredo Perez Rubalcaba PSOEko buruari, abortuaren legearen harira, baina egungo legea erreformatzeko eskubidea duela aldarrikatu du.
Rajoyk Diputatuen Kongresuan egin ditu adierazpenok, Rubalcabak gai honi buruz egindako galdera bati erantzunda. Buruzagi sozialistak emakumeen askatasuna "sakrifikatzea" egotzi dio agintariari, "muturreko eskuindarren botoak jasotzeko".
Gobernuburuak gogorarazi duenez, egun indarrean dagoen legea 2010. urtean onartu zuen Jose Luis Rodriguez Zapatero sozialistaren Gobernuak, hauteskunde programan ez zuten arren.
Gainera, horren esanetan, aldez aurretik zegoen legea, 1985. urtekoa, beste Exekutibo sozialista batek onartu zuen, eta PPk hori berreskuratu nahi du, "baina aldaketa batzuekin".
Aldaketa horien artean, emakumeek ez dutela zigor penalik jasoko, adingabeek gurasoei baimena eskatu beharko dietela eta abortatu baino lehen emakumeei alternatiben berri eman beharko zaiela aipatu ditu Rajoyk.
Bestalde, Rubalcabak bi lege mota daudela gogorarazi du: epeenak eta baldintzenak. Horren hitzetan, epeak kontuan hartzen dituzten legeetan emakumeen esku dago azken erabakia, baina baldintzak ezartzen dituztenetan, aldiz, beste pertsona batek du.
Halaber, egun indarrean dagoen legearekin Espainia Europarekin "parekatu" dela aldarrikatu du Rubalcabak, eta erreforma berriarekin 1985. urtekoa baino "murriztaileagoa" den lege bat onartu nahi izatea leporatu dio Rajoyri.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.