Emakumeen herenek indarkeria fisikoa edo sexuala pairatu dute Europan
Bederatzi milioi emakume bortxatu dituzte Europar Batasunean (EB). Emakumeen % 33k indarkeria fisikoa edo sexuala pairatu dute. Hiru biktimatik batek baino ez du salaketa jartzen. Indarkeria matxistari buruz mundu osoan inoiz egindako ikerketa handienaren ondorio batzuk baino ez dira horiek.
Txostena Oinarrizko Giza Eskubideen EBko Agentziak (FRA) egin du, 28 estatu kideetako 42.000 emakumeri galdetuta. "Giza eskubideen urraketa oso handia da, eta Europar Batasunak ezin du entzungor egin", salatu dute ikerketan.
Datuak oso gordinak dira. Hauek beste adibide batzuk: 18 eta 74 urte arteko emakumeen herenek (62 milioi inguru) nolabaiteko abusu fisikoa pairatu dute; 10etik bati sexu erasoa egin diote eta 20tik bat bortxatu egin dute noizbait.
Hala eta guztiz ere, bikotekideak erasotako hiru emakumetik batek baino ez du gertatutakoa salatu. Erasotzailea bikotekidea ez den kasuetan, lau biktimatik batek salatu du. Gainera, sexu erasoa pairatu duten lau emakumetik bat lotsagatik ez da joan polizia-etxera.
"Emakume askok ez dituzte salatzen abusuak; horrenbestez, emakumeen aurkako indarkeria kasu gehienek ezkutuan jarraitzen dute, eta gaizkileek ez dute ordaintzen", ohartarazi du Mortem Kjaerum FRAko zuzendariak.
Indarkeria testuinguru honetan, haurdunak ere ez daude salbu. Izan ere, biktimen % 42k haurdunaldian ere pairatu dituzte erasoak.
Herrialdeka
Emakumeen aurkako indarkeria EB osoan arazo larria den arren, ezberdintasun handiak daude herrialdeen artean.
Hori horrela, 15 urtetik aurrera bikotekideak eraso fisikoa edo sexuala egin dietela aitortu duten emakumeak % 52 dira Danimarkan, % 47 Finlandian eta % 46 Suedian. Ondoren, Herbehereak (% 45), Frantzia (% 44) eta Erresuma Batua (% 44) daude. Portzentaje txikienak herrialde hauetan izan dira: Polonia (% 19), Austria (% 20), Kroazia (% 21), Zipre (% 22) eta Espainia (% 22).
Nolanahi ere, ezberdintasun handi horien kausa emakumeek erasoa aitortu nahi ez izana izan litekeela azaldu du Europar Batasunaren agentziak.
Albiste gehiago gizartea
Bi gizon atxilotu dituzte Gasteizen: bat, sexu-erasoa egiten saiatzeagatik; bestea, exhibizionismoagatik
Bi gertakariak larunbatean izan ziren. Sexu-erasoa Arabako hiriburuko Alde Zaharrean gertatu zen. Bestalde, Gasteizko Udaltzaingoak 66 urteko gizonezko bat atxilotu zuen adingabeei genitalak erakusteagatik.
Getxoko Udalak azpimarratu du lan egin beharko dela sokamuturraren etorkizunari buruz ados jartzeko
'Sokamuturra Ez!' plataformak elkarretaratzea egin du jardueraren ordu berean, Algortako Portu Zaharrean, Getxoko jaietan animaliak erabiltzeari utz diezaioten eskatzeko.
Zarrakazteluko sutea "giza ekintza batek" eragin zuela baieztatu dute
Amparo Lopez Nafarroako Gobernuaren bozeramaile eta Barne, Funtzio Publiko eta Justiziako kontseilariak adierazi duenez, larunbat gauean Zarrakaztelun piztutako sutea nola sortu zen "ikertzen" ari dira, eta "Poliziaren lana errespetatu" behar dela esan du. "Badakigu giza ekintza batek eragin" zuela sua. Halaber, "nekazaritza eta basogintzako edozein jarduera" egitea debekatu dute.
Kezka nagusi Zarrakaztelun, arratsaldean ekaitz lehorrak botako dituelako sutearen inguruan
Jon Diez de Eure Nafarroako suhiltzaileen sarjentuak EITBri azaldu dionez, Zarrakaztelun piztutako sutea "ezin da kontrolatutzat jo".
Espainiako Gobernuak inpugnatu egin du Jumillako kiroldegietan musulmanei otoitz egitea galarazteko akordioa
Espainiako Gobernuaren ustez, "modu arbitrarioan murriztu da" aspalditik egiten zen ospakizun bat, eta horrek urratu egiten ditu Administrazioaren erlijio-askatasunaren, berdintasunaren eta neutraltasun konfesionalaren printzipio konstituzionalak.
Mutil bat atxilotu dute Erriberagoitian, gizon bat indarkeriaz hil omen duelako
Biktima etxebizitza baten ondoan aurkitu zuten, Bilorian, eta ustezko erasotzailea ordu batzuk geroago atxilotu zuten, Añanan.
Piratek Donostiako kaia abordatuko dute beste behin
Goizean goizetik ehunka pertsona ibili dira ontziak prestatzen, arratsaldeko 17:00etatik aurrera Kontxako hondartzara iristeko. 'Auzolanari tiraka' lelopean, aniztasunaren aldeko banderak altxatuko dituzte, eta gizarte-bazterketaren aurka arraun egingo dute.
Hasi dira asiloa eskatzen duten adingabeak Kanarietatik Penintsulara bideratzen
Aurreikusita dago astelehen honetan hamar gazteko lehen taldea nazioarteko babeserako Estatuko baliabideetara lekualdatzea, Auzitegi Gorenaren agindua betez.
21 urteko emakume bat hil da Donostian, moto-istripuz
Biktima motozikleta bateko bidaiaria zen. Gidaria, 22 urteko gizon bat, zauritu egin da.
Zarrakazteluko sutea kontrolik gabe doa aurrera, baina herritarrak salbu daude
Nafarroako Babes Zibilak eskatu du kaltetutako eremura ez hurbiltzeko. Eguraldiak hobera egin du, eta inguruko herrietako bizilagunek etxeetako leihoak ireki ditzakete, aireztatzeko.