Ikastolak finantzatzeko akordio bat aldarrikatu du Ibilaldiak
Milaka lagun bildu dira igande honetan Gernikan Ibilaldiaz gozatzeko. Zentroak finantzatzeko akordio bat aldarrikatu du Bizkaiko ikastolen jaiak. Ikastolek euskararen egiten duten lana aintzat hartzea nahi dute antolatzaileek.
Ibilaldia urtero jendetsua izan ohi da, baina aurten aurreneko aldiz euskal eskola publikoaren jaiarekin (Balmaseda) bat egin du.
Euskararen sustapenean ikastolek duten garrantzia gogorarazi du Juan Carlos Gomez Ibilaldia Elkarteko presidenteak inaugurazioan. Ikastolen lana aintzat ez hartzea deitoratu du Gomezek. Horregatik, baldintza "berdinetan" lan egiteko "finantziazio akordio integral" bat eskatu du.
Bestalde, Ibilaldia antolatzeko lagundu duten pertsona guztiei eskerrak eman dizkie Jose Luis Bilbao Bizkaiko ahaldun nagusiak.
Arantza Aurrekoetxea eta Olatz Garamendi Eusko Jaurlaritzako Hezkuntza eta Zerbitzuen sailburuordeak, hurrenez hurren, Itxaso Atutxa Bizkaiko EAJren presidentea eta Andres Urrutia Euskaltzaindiako presidentea, besteak beste, bertan izan dira.
Jendetza
Antolatzaileek balantze "oso positiboa" egin dute eguerdian, baina hezkuntzaren bi jaiak batera ospatzeak Ibilaldiari publikoa kendu diola esatera ez dira ausartu.
"Jende andana bildu da. Ez du euririk egin eta autobus ugari etorri dira", azaldu dute Seber Altube ikastolako ordezkariek.
Ibilaldiaren ibilbideak 6,5 kilometroko luzera zuen eta, ibilbidea 10:00ak aldera zabaldu dute.
Partehartzaile batzuek Hodei Egiluz gogorarazteko elastikoak eraman dituzte. Galdakaoko gaztea Anberesen desagertu zen, urriaren 19an.
Antolatzaileek Labayruri eta Euskaltzaindiari omenaldiak egin dizkiete euskalkiak sustatzeko egindako lanagatik.
Seber Altube ikastolako ordezkariek Arrobia Elkarteko kideei lekukoa laga diete 2015eko Ibilaldia antolatzeko.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.