Elkarteek haur lapurtuei buruzko txosten bat eman diote Aldundiari
Haur lapurtuen elkarteek txosten bat aurkeztu dute Gipuzkoako Foru Aldundiaren aurrean, “haurren salerosketaren eta behartutako desagerpenaren” inguruan. Txostenean, Espainiar Estatu osoko informazioa dago; Gipuzkoakoa, batik bat.
Ohar batean azaldu dutenez, txosten hau Aranzadi Zientzia Elkarteak aurkeztutakoari emandako erantzuna da. Laster, Batzar Nagusiei emango diete dokumentua, bai eta “beharrezkoak diren erakunde guztiei” ere.
Kolektibo horiek errepikatu dutenez, ez dituzte Aldundiak aurkeztutako txostenaren ondorioak onartzen. Txosten horretan adierazten denez, “dokumentalki ez zen irregulartasunik atzematen”.
Horren haritik nabarmendu dute txosten horren zati handienean ageri diren araudiak “diktadura indarrean zegoenekoak direla eta emakumeek alaba edo semea Instituziotik berreskuratzeko ohorea zutela erakutsi behar izaten zutela”.
Haien ustez, “adopzio irregularrik ez zela egia izanda ere, horrek ez du erakusten haurrak ezin zirenik ospitaleetatik desagertu”. “Geure kasu guztietan, ospitaleak dira haurrak biziarekin ikusi ziren azken lekuak, gehienetan hilerrian sartzera iritsi gabe”, gaineratu dute.
Gizateriaren aurkako delituak
Halaber, giza eskubideen urraketaz eta gizateriaren aurkako delituei buruz hitz egiten duen txosten bat ezin zaio inoiz elkarte pribatu bati enkargatu”, zuzenbide-estatua “hiru pilaretan oinarritzen delako, hiru boteretan; eta horien artean, botere judiziala da gizakiei dagokien halako ikerketa bat egiteko eskumena duen bakarra”.
Azkenik, sozietate pribatu bati proiektua emateko izapide administratiboa ezagutu nahi dutela adierazi dute, baita horren kostu ekonomikoa ere, “diru-laguntza publikoa eman delako”.
Albiste gehiago gizartea
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.