Bi pertsona hil dira Berriozarren merkantzia-tren batek zapalduta
Adineko bi pertsona hil dira Berriozarren, (Nafarroa) merkantzia-tren batek tren pasabidea igarotzen ari zen autoa aurretik eraman duenean.
Istripua arratsaldeko 16:33an gertatu da. Irurtzun aldera zihoan autoa ez da gorriz zegoen semaforoaren parean gelditu, langaren kontra jo eta hau lurrera bota du. Trenbidean sartu eta hutsik zihoan merkantzia-tren batek bete betean zapaldu du.
Tren-gidariak ezin izan du sahiestu eta autoaren barruan zihoazen bi pertsonak, gizonezko bat eta emazkumezko bat, han bertan hil dira, foru Gobernuak jakitera eman duenez.
Luiz Zarraluqui Nafarroako Gobernuko Sustapen kontseilaria ezbeharra gertatu den tokira hurbildu da eta trenbide-pasagunearen sistemak ondo funtzionatu duela baieztatu du.
Nafarroako emergentzia Agentziak Iruñeako suhiltzaileak bidali ditu ezbeharraren gunera. Hipotesi guztien arabera gidariaren oker batek edo galgen akats batek eragin du istripua.
Gorpuak Nafarroako Auzitegi Medikuntzako Institutura eraman dituzte, bertan autopsia egiteko.
Trena arratsaldeko 20:00ak arte ezbeharra izan den tokian egon da eta, ondorioz, N-240-Atik Berriozarrera sarrera itxita egon da.
Ezbeharrak Nafarroako tren zerbitzuan ere eragina izan du. Iruñea eta Zuasti arteko trenak ez dira ibili, eta bidaiariak autobusetan eraman dituzte. Iruñea Madril eta Bartzelonarekin lotzen dituen tren zerbitzuak, ordea, ez du eraginik izan.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak daude.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.