'Black Friday': Gabon aurreko beherapenak ez galtzeko gida
Black Friday edo Ostiral beltza gurean da. Gabonetako erosketak merkeago egin nahi dituzten horiek azaroaren 28 hau dute egun egokia marka eta denda ezagunenek pagotxak eskainiko baitituzte. Gabonetako erosketa kanpaina aurreratu, eta kontsumoa sustatzeko eskaintza bereziak egin ohi dituzte AEBn gaurko egunez, eta ohitura hori gurera ekarri dute.
Thanksgiving Day edo Esker oneko eguna-ren biharamunean abiatzen dituzte AEBn Gabonetako erosketak. Hasiera batean beherapenak online bidezko salmentara mugatzen baziren ere, orain denda fisikoetan ere egiten dituzte eskaintzak, eta, AEBn ez ezik, Espainian eta Frantzian ere eskainiko dituzte.
Hona ostiral eta asteburu honetan beherapenak eskainiko dituzten denden zerrenda:
Arropa:
Inditex taldeko markek % 20ko deskontua egingo dute; Zara, Oysho (barruko arropa) eta Pull&Bear (gaztetxoentzako arropa) dendetan, esaterako.
Mangoren dendetan ere 'ostiral beltza' ospatuko dute. Gaur hasi eta igandera arte, merkealdia izango dute ehunka arropatan.
H&M enpresa suediarrak arropa jakin batzuk merkatuko ditu saltokietan eta webgunean.
Cortefielek astelehenean, abenduaren 1ean, Ciber Monday edo Ziber astelehena izenekoan, egingo du merkealdia, baita Women'Secret eta Springfield dendek ere.
La Redoute frantsesak % 60rainoko beherapena egingo du asteburu honetan.
Teknologia eta etxetresnak:
Applek goizaldean jakinaraziko du bere webgunean, Apple Storen, produktuei egingo dien deskontua. iPhoneak eta iPadak 50 euro merkeago eskuratu ahal izango dira, eta Mac ordenagailuak, 200 euro gutxiago pagatuta.
Amazonek ere % 42rainoko beherapena egin die 300 bat produkturi, batez ere elektronikakoei, etxetresnei eta bideo-jokoei.
MediaMarkten azaroaren 27tik 30era egingo dituzte beherapenak. Tabletak, telebistak eta etxetresnak merkeago erosteko aukera izango da.
FNACek 1.000 produkturi % 50erainoko deskontua egin die. iPadak % 20 merkeago eskuratu ahalko dira, eta Mac ordenagailuak, % 15eko deskontuarekin.
Auchan.fr eta Darty marka frantsesek ere asteburuan egingo dute merkealdia.
Kirola:
Decathlon etxe frantsesak % 20 eta % 60 arteko beherapenak egingo ditu saltokietan, eta sarean erositako produktuak doan eramango dituzte etxera.
Saltoki handiak:
El Corte Inglesek ostegunean ekin zien beherapenei, eta azaroaren 30a arte eskaintza bereziak egingo ditu.
Carrefoureko dendetan merkeago erosteko aukera izango da asteburuan.
Jostailuak:
Toys'R'USek beherapenak egingo ditu ostiral honetan. Ehunka produktu % 50 merkeago saldu eta etxera doan bidaliko ditu, sarean erosiz gero.
Imaginarium dendetan ere, % 10eko deskontua ezarri diete jostailuei (% 15 merkeago, bazkideentzat).
Liburuak:
Casa del Libro liburu-dendak ere izango du eskaintza berezirik. Liburu eta e-bookak % 5 merkeago eskainiko ditu, eta doan bidaliko ditu etxera.
FNACek ere tankerako deskontuak eskainiko ditu.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.