Laguntza sozialak murrizteko ekimena erregistratu dute Legebiltzarrean
Laguntza justuagoak plataformak Javier Maroto Gasteizko alkateak bultzatutako Legegintzako herri-ekimena erregistratu du gaur Eusko Legebiltzarrean. Ekimen horrek diru-sarrerak bermatzeko errenta aldatzea eskatzen du, besteak beste, legez kanpoko etorkinak horietatik kanpo uzteko.
Marotok eta Alderdi Popularreko Iñaki Oyarzabal legebiltzarkideak Legebiltzarreko atean hartu dituzte plataformako kideak. Laguntza sozialak erregulatzen dituen legea aldatzeko alkateak defendatu dituen ideia asko jasotzen ditu herri-ekimenak.
Hala ere, testuak zenbait aldaketa ere proposatu ditu. Marotok defendatzen duenaren arabera, laguntza jasotzen dutenei debekatu egin beharko litzaieke jasotzen duten dirua euren herrietara bidali ahal izatea. Plataformaren proposamena haratago doa, eta dirua Euskal Autonomia Erkidegotik ateratzea debekatu nahi du.
Eskatzaileak legezko bizilekua izatea ere eskatzen du plataformak. Ondorioz, legez kanpoko etorkinek ezingo lukete diru-sarrerak bermatzeko errentarik jaso. Dena dela, hainbat salbuespen aurreikusi ditu.
Plataformak ondorengo proposamena ere egin du: eskatzaileak gutxienez 5 urte, eskaera egin aurreko hamar urteetan, eraman behar ditu EAEn bizitzen. Baldintza hori betetzen ez dutenek, laguntza eskatu ahal izango lukete urte betez EAEn bizi direla eta bost urtez ordaindutako lan-bizitza izan dutela bermatuz gero. Tratu txarrak jaso dituztenek eta pentsio publikoa jasotzen dutenek ez dute baldintza hori bete beharrik.
Plataformaren testuaren arabera, ohiko bizitoki bat dutela frogatu ahal dutenek soilik jaso ahal izango lituzkete laguntzak. Laguntza jasotzeko aukera baztertzen die ondorengoei: terrorismoarengatik, hilketarengatik, lesio-delituengatik, tratu-txarrengatik edo sexu-askatasunaren aurkako erasoengatik aurrekari penalak dituztenak.
Laguntzak jasotzen dituztenek gizartearen aldeko lanak egitea ere jasotzen du plataformak aurkeztu duen ekimenak. Energiarekin lotutako fakturei aurre egiten ezin dieten pentsiodunei gehigarria ematea aurreikusten du, baina Marotok aipatutako 50 euroei ez die aipamenik egiten.
Ekimenak orain 30.000 sinadura behar ditu legebiltzarrean izapidetzen hasi ahal izateko. Dena dela, Legebiltzarreko Mahaia izango da izapidetzea egin edo ez erabakiko duena.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.