'Lan egin eta integratu' nahi dutenei babesa agertu die Marotok
"Lan egitea eta integratzea helburu dutenei sostengua" agertu die Javier Maroto Gasteizko alkateak eta, diru-sarrerak bermatzeko laguntzaren baldintzak gogortzeko Legegintzako Herri-Ekimena aipatu ez badu ere, gizarte politikak "benetan behar duten pertsonak laguntzeko" direla berretsi du.
VTV Gasteizko telebistak Youtuben duen kanalean bideoa eskegi du Marotok, Gabonetako mezu gisa. Lehen aldia da Gasteizko alkateak halako ekimena egiten duena, eta lehendakariak edo Espainiako erregeak duten ohiturarekin bat egin du.
Gasteizko bandera handi bat eta Green goroldioarekin miniaturazko erreprodukzio bat ondoan dituela ageri da Maroto bideoan.
Mezuaren lehen hitzak euskaraz egin ditu alkateak. Agertu duenez, buru duen erakundeak enplegua sustatzea du "lehentasun" eta, ildo horretan, lehen lana topatu ezinda dauden gazteak edo seme-alabaren zaintzari bakarrik aurre egin behar dioten emakumeak aipatu ditu. Marotoren hitzetan, "lan egitea eta integratzea helburu duten horiek" babesa merezi dute.
11 minutu irauten dituen bideoan, lagun horientzat "justizia eta elkartasuna" eskatu du, 'Ayudas+justas' plataformak azaroan Legebiltzarrean aurkeztutako Legegintzaldi Herri-Ekimena aipatu ez badu ere.
"Gizarte politikak benetan behar duten pertsona horiek laguntzeko daude. Une zail honetan gizartearen laguntza jaso behar dute", defenditu du.
Azkenik, agintean diren erakunde eta politikariak "gardentasunez eta zintzotasunez" aritzeko beharra azpimarratu du eta "ustelkeriarekin lotutako guztiari arbuioa" agertu dio. "Jarrera irmoa erakutsi behar dugu eta eskura dugun guztia egin behar botere publikoen jarduna erabat gardena izan dadin", azpimarratu du.
azpimarratu du.Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.