Marotoren kontrako salaketa jarri du herritar batek, 'mehatxuengatik'
Gasteizko herritar batek Javier Maroto Gasteizko alkatearen (PP) kontrako salaketa bat jarri du EAEko Justizia Auzitegi Nagusiaren aurrean, Marotok egin omen zizkion "mehatxuak" direla eta.
Herritarrak SOS Arrazakeriarekin batera aurkeztutako salaketan ageri denez, gasteiztarrak uko egin zion diru-sarrerak bermatzeko laguntzaren irizpideak gogortzeko proposamena sinatzeari, eta, horren aurrean, alkateak "mehatxu egin zion".
Igandean jazo omen zen, Gasteizko Arka plazan. 'Ayudas + Justas' herri-plataforma sinadura bilketa egiten ari zen diru-sarrerak bermatzeko laguntzaren irizpideak gogortzea eskatzeko.
Plataformako kide bat herritarrari hurbildu zitzaion, sinadura eskatzeko. Honek, baina, uko egin zion, proposamena "arrazista eta partziala" zela argudiatuta.
"Ikusiko duzu"
Segidan, inguruan zebilen Maroto hurbildu omen zitzaion herritarrari, eta "mehatxu" egin zion, salaketan jasotakoaren arabera. "350 euroko isuna jarriko dizugu. Ikusiko duzu, gustura geratuko zara gero!", esan zion.
Herritarrak salatu duenez, Gasteizko alkateak udaltzain batengana jo zuen herritarra identifikatu eta gertatutakoa idatziz jasotzea eskatzera. Antza, agenteak bere kontrako espedientea aurkeztuko zutela jakinarazi zion salaketa ipini duen herritarrari.
"Anekdotak izan dira"
Sinadura-bilketan zehar zenbait bizilagunekin izan dituen liskarrak ?anekdotak? izan direla adierazi du Javier Maroto alkateak. Horrez gain, azpimarratu du bizkartzainek ez zutela agindurik bera iraintzen zuten herritarrak zigortzeko. Hala ere, ?pertsona bati arrazista esatea? delitua dela gogoratu du Marotok.
Bere ?aisialdian? Laguntza Justuagoak plataformako boluntarioak lagundu egiten dituela azaldu du Gasteizko alkateak. Diru-Sarrerak Bermatzeko Laguntzak jasotzeko baldintzak zorrotzagoak izatea eskatzen dute plataforma horretako kideek.
Plataformaren helburuak zeintzuk diren ezagutzeko edota ekimena sinatzeko hurbiltzen dira herritar gehienak, Marotoren hitzetan, baina zenbait pertsonak ?arrazista? edota ?xenofobo? esan diotela onartu du.
?Nik ez dut inor iraindu nahi, baina errespetu handiagoa eskatzen dut niretzat eta sinadura bilketan ari direnentzat. Izan ere, zenbait hedabideen, politikarien eta herritarren irainak jaso dituzte?, gaineratu du.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.