Kopilotua gai zen % 100ean eta jarrera aparta zuen, Lufthansaren ustez
Carsten Spoht Lufthansako presidenteak ostegun honetan baieztatu duenez, Germanwigns konpainiako hegazkina amildu zuen Andreas Lubitz kopilotu alemaniarra gai zen % 100ean eta haren jarrera "apartekoa" zen. "Gure amesgaiztorik okerrenean ere ezin genuen irudikatu horrelako zerbait gerta zitekeenik", adierazi du kazetarien aurrean.
"Gai zen % 100ean eta haren jarrera apartekoa zen", esan du Andreas Lubitz 28 urteko kopilotu alemaniarraren inguruan.
Ildo horretan, norbanako baten ekintza izan dela defendatu du. "Berdin dio zenbat segurtasun neurri ezartzen diren enpresa batean, horrelako kasu bat ezin da inoiz erabat saihestu", gaineratu du.
Lufthansako arduradunak ez du Andreas Lubitzen balizko motibazioei buruzko "espekulaziorik" egin nahi izan, baina Lufthansa eta Germanwings hegazkin konpainietako langileak hautatzeko protokoloak defendatu ditu. Are gehiago, hautaketa prozesu horiek goraipatu ditu eta ebaluazio tekniko, mediku eta psikologikoak barne hartzen dituztela gaineratu du.
Pilotuak zein kopilotuak proba guztiak gainditu zituzten. Kopilotuaren kasuan, 2008an hasi zuen bere formazioa. Ondoren, duela sei urte, "aldi luze baterako" bere lanaldia eten egin zuen, baina, azterketa bat egin ondoren, berriz lanean hasi zen eta mailaz igo zuten 2013an, kopilotu estatusa lortuz.
Spohren arabera, hautaketa eta ondorengo formazio prozesua nola hobetu dezaketen aztertuko dute orain. Lufthansako arduradunak baieztatu du langileei azterketa medikuak egiten dizkietela urtean behin, baina behin formazio fasea amaituta, ez dituztela langileak azterketa psikologikoak egitera behartzen.
Kabinako atea blokeatzeko sistema
Spohrrek azaldu duenez, Irailaren 11ko atentatuen ondotik, haren konpainiak kabinako atea blokeatzeko sistema bat jarri zuen martxan, edonork bertara sartzeko aukerarik izan ez zezan. Adierazi duenez, ate horiek ezin dira ireki ezta kalibre txikiko arma batekin ere.
Germanwingseko hegaldiaren kasuan, istripuaren aurretik pilotua kabinatik atera zen. Pilotua bertatik ateratzeko konpainia alemaniarrak ezartzen duen baldintza bakarra, hegazkina 30.000 oinen gainetik egotea da eta Alpeetan erori zen hegazkinaren kasuan baldintza hori betetzen zen.
Pilotua kabinatik ateratakoan kopilotua bakarrik gelditu zen; izan ere, ez baitago bigarren pertsona bat egoteko obligaziorik.
"Kabina barruan dagoen pertsonak -kanpoan gertatzen ari dena pantaila baten bitartez ikusten du- atea irekitzen ez badu, tripulazioko kide guztiek ezagutzen dute atea irekitzeko kodea", gaineratu du Spohrrek. Dena den, kabina barruan dagoen pertsonak sarrera eragotzi dezakeela azpimarratu du.
Ildo horretan, Lufthansako presidenteak azaldu du momentuz ez dakitela norbaitek kodea sartu zuen ala ez eta barrutik kopilotuak atea blokeatu zuen alaa ez.
Airbus hegazkinen kabinetako atea irekitzeko protokoloa:
Zure interesekoa izan daiteke
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.