Gora Gasteiz: ‘Arrazakeria bultzatzen dutenen aurkako antidotoa gara’
Gora Gasteiz herri ekimenak nabarmendu duenez, “arrazakeria bultzatzen dutenen aurkako antidotoa izatea izan da gure funtzioa”. Era berean, etorkinen eta haiek jasotzen dituzten laguntzen inguruan Javier Maroto Gasteizko alkateak sortutako arazoa “artifizialtzat” jo dute.
Radio Euskadin izan dira gaur Miguel Angel Ruiz, Esther Perez eta Iban Zaldua Gora Gasteiz herri ekimeneko kideak, eta orain bost hilabete sortutako ekimenaren inguruko balorazioa egin dute. Alkateak eginiko lehen adierazpenen ondoren, adierazpena oposizio guztiak bizkarra emanaz irakurri izana baloratu dute.
Aniztasunaren alde lan egiteko gogoa Javier Marotok iskanbila eragin zuten adierazpenak egin aurretik zutela nabarmendu dute ekimeneko kideek. “Gasteiz positibo, ireki eta abegitsu bat bultzatzearen aldekoak batzen ditugu”, azaldu dute.
“Euren hiriak irekia izaten jarraitu behar duela uste duten gasteiztar asko dago oraindik ere”, esan dute.
Etorkinen inguruan herritarrek ezinegona duten ere galdegin diete herri ekimeneko kideei, eta horrelako egoerak badirela onartu dute. “Oso orokorra da, eta krisi ekonomikoak eragin du”, gaineratu dute.
“Haztegi bat da, alde zekenena bultzatuta errepikatzen dena. Hala ere, Gora Gasteiztik eman dugun moduko erantzuna izatea antidoto bat da”, esan dute.
Gasteizko alkateak gasteiztar askok sentitzen ez duten “arazo artifizial bat” sortu izana tamalgarritzat jo du herri ekimenak.
Agurra
Aniztasuna eta elkarbizitza defendatzeko kalejira batekin agur esango du plataformak larunbat honetan, Gasteizen. Kalejira 13:15ean abiatuko da Foru Plazatik eta 14:40ean amaituko da Andre Maria Zuriaren plazan.
Gainera, xenofobiaren aurkako beste ekintza batzuk antolatu ditu Gora Gasteizek. Horrela, Matxete Plazan 12:00etan eta 18:00etan Foru Plazan ekitaldiak izango dira, kolektiboak agiri batean jakitera eman duenez.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.