Getxoko Udalak ez du kamera gehiago topatu nesken aldageletan
Getxoko Udalak ez du beste kamera ezkuturik aurkitu Fadurako eta Gobelako kiroldegietako nesken aldageletan. Atzo, Fadurakoan legez kanpoko kamera batzuk aurkitu zituztela zabaldu zuen Udalak, eta gainerakoak arakatu zituen besterik ote zegoen argitzeko. Ez dute halakorik topatu, baina.
Horrez gain, Udaltzaingoa Fadurako kiroldegian aurkitutako kameren grabazioetan ageri diren pertsonekin harremanetan jarri da. Atletismo eta errugbi taldeetako nesken "talde txikia" da, Udalak zehaztu duenez. Kamerak nork eta nola jarri zituen argitzeko ikerketa abian da, gainera.
Ohar batean, Getxoko Udalak "haserrea eta gaitzespena" adierazi ditu, eta lasaitasunerako deia egin du, kirol instalazioetako aldageletan ez baitute grabagailu gehiago aurkitu.
Horren arabera, "azkeneraino" eramango ditu ikerketa eta erantzuleen kontrako ekinbideak.
Bozeramaileen Batzordea, bilduta
Halakorik berriro gerta ez dadin, Udalak iragarri du Getxo Kirolak zerbitzuak noizean behin kiroldegietako aldagelak arakatuko dituela.
Getxoko Bozeramaileen Batzordeak bilera egin du eguerdian gaia aztertzeko.
Getxo Errugbiak gertatutakoa gaitzetsi du
Bestalde, Getxo errugbi taldeak oharra kaleratu du Twitterren Faduran jazotakoa gaitzesteko. Agirian, Udalari, Udaltzaingoari eta Getxo Kirolak zerbitzuari laguntzeko prest agertu da Errugbi taldearen berbetan, "guztiz arbuiagarria da pertsonen pribatutasuna urratzen duen edozein ekintza, bereziki adingabeak tartean badaude".
Hain justu, Andoni Saitua Getxo errugbi taldeko presidenteak Euskadi Irratiari egindako adierazpenetan nabarmendu duenez, neskak "haserre" daude aldageletan aurkitutako kamerekin. Dena den, ez du salaketarik jartzeko asmorik, baina udal erakundeei behar duten guztian "laguntzeko" prest agertu da, "besterik ezin dezakegu egin eta".
Zure interesekoa izan daiteke
Gizon bat atxilotu dute Basaurin, bikotekidea hiltzeagatik
Biktimak, 44 urteko emakume batek, ondoeza izan zuen eta, ondorioz, hil egin zen. Auzitegiko medikuek egindako azterketen arabera, indarkeriazko heriotzaren zantzuak daude.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.