15 egun etxetik kanpo eman beharko dituzte Ondarroako bizilagunek
Laurogei sendi inguru etxetik atera behar izan zituzten, atzo arratsaldean, Ondarroan, lur-jausi baten ondorioz, San Ignazio kalean. Zunbeltz Bedialauneta Ondarroako alkateak esan duenez, gutxienez 15 egun eman beharko dituzte etxetik kanpo kaltetutako bizilagunek.
Alkateak azaldu duenez, ez dago Udalaren esku bizilagunak etxera noiz itzuli erabakitzea. "Bi, bost, hamar edo hogei eguneko kontua izan daiteke. Guretzat oso zaila da data zehatz bat ematea", esan du. Lur-jausiak eragindako kalteen inguruko azterketaren emaitzak eskura izan orduko, bizilagunak jakinaren gainean jarriko dituztela esan du. Teknikariak lanean ari direla adierazi du, baina oraindik "goiz" da ezer aurreratzeko, bere hitzetan.
Joan den astean, luizi bat jazo zen Kamiñalde kalearen inguruan. Hori dela eta, mugak jarri zizkieten oinezkoei eta ibilgailuei bertatik pasatzeko.
Azken orduetan izandako euriteen ondorioz, baina, egoerak okerrera egin du, eta Udalak etxebizitzak ebakuatzeko agindua eman behar izan du. Antza, luizi gehiago egoteko arriskua dagoela ohartarazi dute teknikariek.
Auzokideen laguntza
Bizilagunekin izan duen bileran, alkateak adierazi du herritarren segurtasuna bermatzea dela lehentasuna. Horregatik, egoera bere onera etorri arte, etxeak hutsik izateko erabakia hartu dute.
Kaltetutako asko senideen edota lagunen etxeetan geratuko dira, eta gainerakoei Udalak eskainiko die bizitokia egun batzuetarako.
Herritarren laguntza ere eskatu dute Udaletik: hala, etxe hutsak dituzten bizilagunei dei egin die alkateak, kaltetuei aldi baterako uzteko. Larrialdi egoera honetan aukera guztiak gustura hartuko dituztela gaineratu du.
Kaltetutako bizilagunak artatzeko bulegoa jarri du martxan Udalak: 08:00etatik 15:00etara, udaletxeko Idazkaritzan laguntza eskainiko zaie etxetik atera behar izan duten bizilagunei.
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.