Zer egin argazki intimo bat lapurtzen badigute eta sareratzen badute?
Sarean gabiltzala, gure argazki edo bideo intimo bat ikusi dugu webgune batean. Estu eta larri, nora jo ez dakigula geratu gara, babesik gabe. Egoera horren aurrean nola jokatu beharko genukeen azaldu du Ofelia Tejerina interneteko erabiltzaileen defendatzailea den abokatuak.
Elkarte horren arabera, lehenik eta behin "domeinuaren jabea topatzen saiatu behar dugu, eta argazkia edo bideoa kentzeko eskatu". Aholku honek zerbitzaria Espainiako Estatuan duten webguneentzat bakarrik balio du. Zerbitzaria non dagoen jakiteko, legezko oharra irakurri beharko dugu. Dena den, gehienetan horrelako webguneak urrutiko herrialdeetan daude erregistratuta. Horrenbestez, salaketa jartzea da onena.
Lapurtu digutena bideo bat bada, epaile batek zehaztu beharko du horren larritasun maila, legeak "pertsona baten irudia, filma edo argazkia aireratzea edota erreproduzitzea" jasotzen baitu delitu gisa. Askotan, dena den, sareratzen direnak pixelatuta dauden bideoak edo argazkiak izaten dira, eta horietan ezin da protagonista identifikatu. Nork bere burua ezagututa ere, kasu horietan ezer gutxi egin daiteke.
Normalean, irudi intimoak biltzen dituzten orrialdeak urrutiko herrialdeetan egoten dira erregistratuta. Poliziaren aurrean salaketa jartzea ezinbestekoa da, beraz; batez ere, irudietan adin txikikoak ageri badira. Agenteek ikerketa abiatuko dute domeinuaren jabea topatzeko. Irudia sarean dagoenean, zaila izaten da guztiz ezabatzea, cache-memorian edota hemeroteka birtualetan gordeta geratzen baita, eta kasu askotan, webgune batek beste batekin partekatu ahal du.
Horrelakoetan, agintariek itxi egiten dituzte webguneak. Epaile batek zehaztu behar du biktimari egin dioten kalte morala. Legearen arabera, "kalte-ordaina kasuaren ezaugarrien eta eragindako kaltearen norainokoaren araberakoa izango da. Hala, webgunearen audientzia eta irudiari emandako zabalkundea edota irudia sareratzeagatik jasotako diru-sarrerak hartuko dira kontuan".
Albiste gehiago gizartea
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.