Maria Villarren gorpua ostiral honetan helduko da Euskadira
Maria Villar Galazen gorpua datozen orduotan, gaur bertan, iritsiko da Loiuko aireportura. Mexikon bahiketa espres baten biktima izan zen, eta bi egunera hilda topatu zuten Getxoko emakumea.
Angel Maria Villar Espainiako Futbol Federazioaren presidente eta, orain dela gutxira arte, UEFAren jarduneko presidente izan denaren loba zen. Duela bi egun utzi zuten haren gorpua familiaren esku, eta hilotza ekartzeko izapideak bukatuta, ostiral honetan helduko da Euskadira.
Bien bitartean, Villar desagertuta egon zen bi egunetan gertatutakoa argitzen jarraitzen dute Mexikoko ikertzaileek.
Eskarmentu gutxiko gaizkile talde bat
Patricia Bugarin Mexikoko Segurtasun Batzordearen Bahiketen kontrako Unitatearen koordinatzaileak esan duenez, antolatu gabeko gaizkile taldek bahitu zuen euskal herritarra. Bahiketa espresetan eskarmentu gutxiko taldea zela uste dute ikertzaileek, eta horrek Villarren heriotza azkartu zuela.
Funtzionarioaren esanetan, "ikerketa oso aurreratuta dago. Badakigu gaizkile taldea ez zela profesionala, eta horrek azkartu zuela Maria Villar Galazen heriotza lazgarria".
IBMren egoitzatik irten ostean hartu zuen taxi motaren inguruan galdetu diotenean, "bertsio kontrajarriak" daudela argitu du Bugarinek. "Oraindik ezin izan dugu hori zehaztu. Ikertzen jarraitzen dugu. Ez dakigu taxian bertan bahitu ote zuten, edota taxi hartatik jaitsita, beste leku batean atxiki ote zuten", erantsi du.
Villar, sare sozialetan zabaldutako argazki batean. EiTB
Hiriko segurtasun kameren eta kamera pribatuen irudiak arakatzen ari da Polizia, arrasto gehiagoren bila.
Horrez gain, Mexikoko Poliziak operazio erraldoia jarri du martxan, bahiketa gertatu zen Santa Fe auzoan. 200 bat agente jarri dituzte lanean, segurtasuna bermatzeko.
Zure interesekoa izan daiteke
'Oroimenaren indarra', Martxoaren 3ko sarraskiari buruzko audio eta elkarrizketa bilduma
Martxoaren 3ko sarraskiaren 50. urteurrenean, Radio Vitoriak hamar ataleko dokumentala ondu du, elkarrizketa esklusiboak eta sekula argitaratu gabeko audioak biltzen dituena. Gaur aurkeztu dute proiektua Gasteizko Villa Suso Jauregian, Ismael Diaz de Mendibil eta Pilar Ruiz de Larrea kazetariek aurkeztutako ekitaldi batean. Lehenengo atala bihar emitituko da; aurrena, Radio Vitorian eskainiko da, eta ondoren, Guau plataforman jarriko dute entzungai.
Espainiako Gobernuak dio martxoaren 3ko sarraskiak "Estatuaren errepresio basatitzat" onartu dituela
Gorka Elejabarrieta EH Bilduko senatariaren galderei erantzunez, Angel Victor Torresek esan du memoria historikoaren eta demokratikoaren legeek biktimak barne hartzen dituztela eta Zaramagako eliza 50. urteurrenean oroimen demokratikoaren leku izendatuko dutela.
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.