Mikel Zuluaga eta Begoña Huarte, bermepean aske
Mikel Zuluaga eta Begoña Huarte ekintzaileak bermepean aske geratu dira, Hibai Arbide kazetariak Twitter bidez jakinarazi duenez.
Asteazkenean atxilotu zituzten Grezian, zortzi errefuxiatu Euskal Herrira ekartzeko ahaleginean eta ostiralean deklaratu zuten epailearen aurrean, besteak beste, legez kanpoko immigrazioari mesede egitea egotzita.
Bi ekintzaileak aske uztea erabaki du epaileak, 2.000 euroko bermeak ezarrita. Hamabi eguneko epea dute ordainketa egiteko eta hala egin artean ezingo dute Greziatik atera.
Defentsako iturriek azaldu dutenez, bi auzipetuek ihes egiteko arriskurik ez dagoela iritzita hartu du epaileak bi ekintzaileak bermepean libre uzteko erabakia. Igumenitsako epaitegian egin duten deklarazioan argi utzi dute ihes egiteko inolako asmorik ez dutela, euren helburua auzi honen bidez errefuxiatuen krisiari oihartzuna ematea delako.
Atxilotuak izan zitezkeela jakinda, Zuluagak eta Huartek bideo bat grabatu zuten, ekimen hau Europak errefuxiatuei eta migratzaileei ezarritako politikak salatzeko "desobedientzia ekintza" bat zela azalduz.
Bideoan, bi ekintzaileek publikoki aitortzen dute jakin badakitela errefuxiatuak Euskal Herrira ekartzeko saiakera hori "legez kanpoko ekintza" bat eta, ondorioz, ekimen horren ondorioak bere egiten dituztela.
Ekintzaileen adierazpenak
Ingumenitsako epaitegiaren aurrean bilkura egin dute ekintzaile greziarrek eta herrialde horretan errefuxiatuei laguntzen ari diren hainbat boluntarioek, auzipetuei babesa helarazteko eta Europaren migrazio politikak salatzeko.
Auzitegitik ateratzean, Zuluagak esker ona adierazi die kanpoan elkarretaratzea egin duten lagun guztiei, baina esan du interes-gune izateari utzi nahi diotela, "garrantzitsuena errefuxiatuek bizi duten egoera delako".
Huartek, berriz, desobedientzia ekintza honekin euren helburua lortu dutela esan du eta berriro saiatuko direla iragarri du.
Biak pozik agertu dira ekintza honek izan duen oihartzunarekin eta erantsi dute horrelakorik egitea ez zela beharrezkoa izango Espainiako Gobernuak errefuxiatuei babesa emateko hartu zituen konpromisoak beteko balitu.
(Mikel Zuluaga eta Begoña Huarte atxiloketa zentroan. Argazkia: Hibai Arbide)
Epaiketarako datarik ez
Zuluaga eta Huarteri bi delitu leporatzen dizkiete: batetik, legez kanpoko immigrazioari mesede egitea, eta bestetik, errefuxiatuak integratzeko zuhurtziagabetasun larria, espazio txiki batean ezkutatuta eramateagatik. Oraingoz ez dute datarik zehaztu epaiketa egiteko.
Zuluaga eta Huarte astearte gauean atxilotu zituzten Igumenitsako portuan, autokarabana batean zortzi errefuxiatu zeramatzatela eta Italiara joateko ferry bat hartzekotan zirela.
Errefuxiatu horietako batek deklaratu du gaur lekuko moduan. Bidaiari-lekuan aireztapena ona zela eta inolako arriskurik izan ez zutela kontatu dio epaileari.
Zortzi errefuxiatuetatik sei berehala geratu ziren libre. Alabaina, gainerako biek asilo-eskaera egin gabe zutenez, atxilotu egin zituzten. Datozen orduetan utziko dituzte aske, asilo-eskaera eginda.
Zuluaga eta Huarteren aldeko elkarretaratzeak
Mikel Zuluaga eta Begoña Huarte fidantzapean aske geratu badira ere, arratsalde honetan bi ekintzaileen aldeko elkarretaratzeak egin dituzte EAEko hiru hiriburuetan: Bilbon, Gasteizen eta Donostian. Elkarretaratze horietan parte hartu duten pertsonek euren babesa adierazi diete bi ekintzaileei, eta akusazio guztiak alde batera uzteko eskatu dute.
Bizkaiko ‘Ongi Etorri Errefuxiatuak’ plataformak deituta, ehunka lagun bildu dira Bilboko Areatzan, "Elkartasuna ez da delitua. Euskal Herria Harrera Herria" lelopean.
Plataforma horretako kideek esan dutenez, Mikel Zuluagarekin harremanetan jartzeko aukera izan dute, eta "oso ondo" dagoela adierazi die. Halaber, fidantzapean aske geratu ostean egin duen lehenengo gauza azaldu du: atxilotu zituzten unean, autokarabana barruan zeramatzaten bi errefuxiatuak bisitatu.
Halaber, arreta bi ekintzaileetan jarri beharrean, Estatuek onartzen dituzten bidegabekerietan jartzeko eskatu du Zuluagak. ‘Ongi Etorri Errefuxiatuak’ plataformak jakinarazi duenez, bi ekintzaileak laster bueltatuko dira.
(Ehunka lagun bildu dira bi ekintzaileei babesa adierazteko. Argazkia: EFE)
Zure interesekoa izan daiteke
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.