Sargoriaren ondotik... abisu horia euriteengatik
Eusko Jaurlaritzako Segurtasun Sailak abisu horia ezarriko du Euskal Autonomia Erkidegoan (EAE), 18:00etan hasita, prezipitazio handiak egoteko arriskua dela eta. Euskalmet Euskal Meteorologia Agentziak egindako iragarpenaren arabera, ordubetean 15 litro baino gehiago pila daitezke metro koadroko.
Larrialdiei Aurre Egiteko eta Meteorologiako Zuzendaritzak ohar baten bidez jakinarazi duenez, arratsaldean zaparrada txiki-ertainak eta trumoitsuak botako ditu, eta zenbait lekutan handiak izan daitezke. Txingorra ere bota dezake.
Euria denean egingo badu ere, ekaitz arriskua handiagoa izango da mendebaldean: zenbat eta mendebalderago, orduan eta gogorragoak izan daitezke ekaitzak, eta probabilitatea ere handiagoa izango da. Ekaitz-guneetan, haize-boladak gogorrak izan daitezke.
Astebururako iragarpena
Ostirala egun beroa izango da. Goizean hego-haizea ibiliko da, eta, ondorioz, termometroak 30 ºC ingurura iritsiko dira edo balio hori gaindituko dute. Goizak aurrera egin ahala, haizea ipar-mendebaldera aldatuko da kostaldean, eta, beraz, apur bat freskatuko du; tenperatura maximoak, hortaz, aurreko egunekoak baino baxuagoak izango dira kostaldean. Giroa eguzkitsua izango da eguneko ordu askotan, baina arratsaldean bero-hodeiak sortuko dira eta ekaitzak izango dira, probabilitate handiagoarekin mendebaldean.
Larunbatean, hodeiak eta ostarteak tartekatuko dira zeruan, eta isurialde atlantikoan tenperaturak behera egingo du. Haizeak eki/ipar-ekialdetik joko du, eta tenperatura ez da aurreko egunetan bezainbat igoko; maximoak 25 ºC inguruan geratuko dira kostaldean. Hegoaldean, altuenek 30 ºC-ak gaindituko dituzte beste behin. Arratsaldean, ezegonkortasun handiagoa izango da, eta litekeena da trumoi-ekaitzak izatea.
Igandean, hego-haizea eta beroa izango ditugu berriro protagonista. Termometroek 30 eta 35 ºC arteko balioak neurtuko dituzte, baxuenak kostaldean; izan ere, egunaren erdiko orduetan, haizea ipar-mendebaldera aldatuko da. Goizean, hodeiak eta ostarteak izango ditugu. Arratsaldean, ezegonkortzera egingo du, eta zaparrada trumoitsuak botatzeko probabilitatea handituko da.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.