Protesta batek errefuxiatuen helduera irudikatu du Kontxako hondartzan
Ehun bat lagunek parte hartu dute gaur Donostiako Kontxa hondartzan egin den "Busti zaitez harreragatik" ekimenarekin. Ekimen horretan errefuxiatuen helduera irudikatu dute, Europar Batasunaren migrazio politikak salatzeko asmoz.
Ekintza solidario horretan errefuxiatuei laguntzen jarduten duten elkarteetako (Amnistia Internazionala, SOS Arrazakeria, Intermon Oxfam, Hotz Zarautz, Zaporeak eta Ongi Etorri Errefuxiatuak) hainbat ekintzaile eta boluntariok esku hartu dut, Itsasoko Laguntzarekin batera.
Protesta 13:00 inguruan egin dute Gipuzkoako hiriburuko badian, joan zen asteartean egin zen Errefuxiatuaren Mundu Eguneko ekintzen barruan. Ordu horretan bi ontzi heldu dira, errefuxiatuz beteta zeudenaren itxurak egiten, eta itsasertzean zeuden pertsonek lagundu behar izan dituzte hondartzaraino heldu ahal izateko.
Manoli Etxeberria Ongi Etorri Errefuxiatuak elkarteko bozeramaileak azaldu duenez, ekintza sinbolikoa izan da egindakoa, "mugak hausteko beharrizana irudikatzen duena, eta baita hesi eta kontzertina gehiago jartzera (Ceuta eta Melillan egin legez) bideratzen den dirua kritikatzeko ere".
Etxeberriaren esanetan, "Europar Batasuneko migrazio politikek pertsona horiek modu seguruan hel daitezela bermatuko duten bideak eraiki beharrean, Mediterraneo hobi komun bihurtu dute".
Bestalde, Etxeberriak jakitera eman duenaren arabera, uztailaren 14an lau autobus aterako dira Euskaditik, eta Estatuko beste hainbat lekutik aterako diren beste batzuekin bat egingo dute "Mugak eraikiz" karabanan, "Ceuta eta Melillan gertatzen den errefuxiatuen giza eskubideen urraketa" salatzeko xedearekin.
Amnistia Internazionalaren argazki protesta Bilbon
Bestalde, hainbat lagunek elkarretaratzea egin dute Bilboko Arriaga antzokiaren aurrean, eta argazki bat atera dute Donald Trump AEBko presidenteak jorratzen dituen migrazio politiken aurrean desadostasuna adierazteko.
Amnistia Internazionala elkartearen protesta, Bilbon. Argazkia: EiTB
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.