Lilaz jantzi da Donostia
Dena prest dute Donostian igandean egingo den Lilatoirako. 29. edizioa inoizko jendetsuena izango da eta, lehen aldiz, 6.000 lasterkariren langa gaindituko da, (6.050 zehazki), Atletico San Sebastianeko antolakuntzak eitb.eus-i jakinarazi dionez.
Berdintasuna aldarrikatzeko emakumeen lasterketa 10:30ean Boulevarden hasi eta bertan amaituko da, eta 2016ko Rioko Olinpiar Jokoetan domina lortu zuen Izaskun Osesek kirolari paralinpikoak emango dio hasiera.
Parte-hartzaileen jatorriari dagokionez, 5.366 Gipuzkoak dira (% 89) —horietatik 1.355 Donostiakoak (% 25,25)—, 387 Bizkaikoak, 145 Nafarroakoak eta 70 Arabakoak. Halaber, Iparraldeko, Madrileko, Bartzelonako, Murtziako eta Kantabriako korrikalariak ere izango dira.
Aurten, hiru talde handiren parte-hartzea nabarmendu nahi du antolakuntzak: Legazpiko Haztegi ikastola (200 lasterkari), Ordiziko Jakintza ikastola (120 lasterkari) eta Urretxu-Zumarragako ikastola (100 lasterkari).
Parte-hartzaile guztiek bisera eta kamiseta bana lortuko dute. Halaber, ostiralean edo larunbatean dortsala jaso beharko dute Okendo kaleko 9. zenbakian, 11:00etatik 14:00etara edo 16:00etatik 20:00etara.
Aurtengorako aukeratutako leloa "Itzaletik Argira" da eta esanahi bikoitza du, antolatzaileen esanetan: "Alde batetik, Begisare Elkartearen helburua nabarmentzen du eta, bestetik, bizitzaren alor guztietan berdintasuna lortzearen beharra azpimarratu nahi du. Begisare Elkarteak retinosis pigmentarioa dutenen bizi kalitatea hobetzea, ikerketa bultzatzea eta gizarte sentsibilizazioa sustatzea dira.
PROGRAMAZIOA
09:40 Beroketa. Aero-Zumba Boulevardeko kioskoan Heliane Costarekin.
10:00 Argazki jendetsua Begisare elkartearekin. Kono bana banatuko diete beroketa egiten ari diren parte-hartzaileei. Kono hori begian jarri beharko dute eta modu horretan retinosis pigmentarioa dutenek ikusten dutena sentituko dute.
10:30 Lilatoiaren hasiera
11:30 Sari banaketa Alderdi Ederren batukadaren erritmoan.
Hiru talde jendetsuenak sarituko ditu antolakuntzak: Haztegi Ikastola, Jakintza Ikastola eta Urretxu-Zumarraga Ikastola. Halaber, irabazleari Lilatoiko txapela jarriko diote.
12:30 Lilapotea Alderdi Ederretik hasita trikitilariekin alaituta (Ordizi, Rekalde, Eiger, Herria, Aurresku + Dj Miau)
Goizean-goizetik festa giroa izango da nagusi Donostiako kaleetan. Hala, trikitilariak izango dira ibilbidean zehar, 3Txulo txaranga Artzai Onaren plazan, Irudi Ots taldea Nafarroa etorbidean eta batukada, ostera, Kursaalen.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.