Leyre Rodriguezen neba, akusatuari buruz: 'Senar, aita eta bikotekide txarra zen'
Leyre Rodriguezen hilketa argitzeko epaiketaren bigarren saioa egin dute gaur Bizkaiko Lurralde Auzitegian. Jorge Mateos Prado senar ohia da ustezko hiltzailea. Fiskaltzak, akusazio partikularrak, herri akusazioak eta Estatuko Abokatuak uste dute emazte ohia hainbat aldiz kolpatu zuela, konortea galdu zuen arte, eta ondoren autoarekin harrapatu zuela, istripu bat izan zela antzezteko.
Leyreren nebak azaldu duenez, bi eta sei urteko seme-alabei ama hil zela kontatu zienean, "ez zuen malko puta bat bera ere isuri".
"Alperra zen eta nire arrebaz aprobetxatzen zen; nire arrebak egiten zuen guztia etxean, nire arreba arduratzen zen umeez eta gainerako guztiaz. Bera senar, aita eta bikotekide txarra zen. Ez zuen dibortzioa onartu, beretzat erosotasuna galtzea eta lan egiten hastea suposatzen zuelako horrek. Egun guztia ordenagailuarekin gela batean itxita igarotzen zuen", kontatu du.
Leyreren hilketa 2015eko abuztuaren 7an gertatu zen. Akusatuak berak deitu zion biktimaren nebari, Leyre auto batek harrapatuta hil egin zela esateko. "Inolako zalantzarik gabe, lasaitasunez eta hotz esan zidan hori", azpimarratu du.
Jorge Mateosek testigantza horri heldu zion lehendabiziko egunetan. Baina 2015eko abuztuaren 18an bere buruaz beste egiten saiatu zen eta ordutik aurrera hiltzailea bera izan zitekeela susmatzen hasi ziren ikertzaileak.
"Barkamena eskatzeko gai ere ez da izan. Inoiz ez zen bere seme-alabez kezkatu eta orain nire seme-alabak dira, ezinezkoa da bera haien kargu egitea. Ez zuen inolako arazorik jarri umeen zaintza niri emateko", gaineratu du.
Gaurko saioan Leyreren lagunek ere deklaratu dute. Leyreren heriotzaren erantzulea senar ohia izan zitekeela hasieratik pentsatu zutela adierazi dute.
"Banandu zirenean, Leyrek beste harreman bat hastea zen bere kezka eta sare sozialetan zelatatzen zuen" eta "sakelako telefonoa busti zion, erabilezin bihurtzeko", azaldu dute.
Lekukoen hitzetan, dibortziatu ostean Leyreren bizitzak "hobera egin zuen", ezkonduta egon zen bitartean "sozialki isolatuta" bizi baitzen. Akusatuaren egoerak, berriz, okerrera egin zuela esan dute, lanean hasi behar izan zuelako.
Akusatua "Leyreren lepotik bizi" izan zela, "gezurtia eta fantasiosoa" zela eta ez zela fidatzekoa azpimarratu dute.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.