Moraza kaleko etxea hustearen aurka protesta egin dute Donostian
SOS Arrazakeria, Harrera Sarea, Medeak, Askapena, Ongi Etorri Errefuxiatuak eta Letama Gaztetxea kolektiboek, besteak beste, elkarretaratzea egin dute ostiral honetan, Donostian, Moraza kaleko eraikina okupatzen ari diren pertsonak bertatik ez aterarazteko.
Elkarretaratzean, ia 20 kolektiboren izenean agiri bat irakurri dute. Moraza kaleko eraikina husteko "arriskuaz" ohartarazi dute eragileek. Etxea duela bederatzi hilabete okupatu zuten. Operazioarekin "45 pertsona baino gehiago kalean lo egitera" zigortu dituztela salatu dute.
Testuinguru horretan, Gipuzkoako harrera zentroetan dauden adingabe atzerritarrek 18 urte betetzen dituztenean, "bizileku-baimenarekin kalean uzten dituzte, baina lan egiteko baimenik gabe", salatu dutenez. Helduek "pasaportea (120 euro) ordaintzea eta udalaren lurzoruan hiru hilabetez bizitzea lortzen baldin badute, erroldatzeko aukera dute, eta hori truke txanpona bihurtzen da".
"Behin lortuta, handik hiru hilabetera osasun-txartela eska dezakete; sei hilabetera gizarte-bazterketa txostena egin dezakete etxebizitza eskatu ahal izateko, itxarote-zerrenden arabera, 7-8 hilabetera Caritasen gaueko abegi-zentro batek artatzeko aukera izateko, baina lepo egon ohi dira", azaldu dute.
Gainera, handik hiru urtera "lanaldi osoko kontratua aurkeztu behar dute, gutxieneko soldata bermatu batekin, bizileku-baimena lortzeko", erantsi dutenez.
Eraikina okupatzen ari diren pertsonak "egunero jazartzea" leporatu diete Ertzaintzari eta Udaltzaingoari. Pertsona horien egoerari aurre egiteko "bide eraginkor bakarra elkartasun sareen bidez antolatzea" dela gaineratu dute. Azkenik, "guztientzako tokia" duen hiri baten aldeko apustua egin dute, eta "Morazako bizilagunen duintasuna defendatzera" dei egin dute.
Albiste gehiago gizartea
Lan Onari saria Carmelo Urza Larrauri Filologia Hispanikoko doktoreari emanda itxi du Lehendakaritzak 2025eko Jaialdira egindako bisita
Esparru akademikoan egindako lanagatik eta kanpoan euskal kultura zabaltzen egindako ekarpenagatik saritu dute Renoko Unibertsitateko Filologia Hispanikoko doktorea. Oso gazte zela Estatu Batuetara bizitzera joan bazen ere, euskal sustraiei eusteagatik eta Euskadiren eta Estatu Batuen arteko harremanak estutzeko lan egiteagatik nabarmendu da beti.
Zirkulazio motela euskal errepideetan larunbat honetan, eta auto-ilarak AP-8 eta AP-1 autobideetan
Europako iparraldetik hegoaldera errepidez egiten diren joan-etorrien bolumen handiak auto-ilarak sortu ditu euskal errepide sarean, abuztuko lehen asteburuko trafiko irteera operazioarekin batera.
Lau gizonek 18 urteko neska bat inguratu eta bortxatu dute Ferrolen
Gizon bat atxilotu dute jada. Erasoa Coruñako hiriaren Espainia plazako arkupe batzuetan gertatu zen. Gertakariak asteartetik asteazkenerako gauean jazo ziren, hiriaren erdialdean.
Bilbok hilerria modernizatu du errausketak eta maskotentzako zerbitzuak eskaintzeko
Araudi berria irailera arte egongo da ikusgai, eta heriotza perinatalari ematen zaion tratuari eta erlijio-aniztasunerako guneei buruzko hobekuntzak ere jasotzen ditu, besteak beste.
Adineko bost moja Urduñako komentutik ateratzea eragotzi dute, erlijiosoak Beloradotik bota ondoren
Adineko lekaimeen beharrengatik egokitutako garraio berezi bat prest zuten, baina ezin izan dute erabili, moja matxinoek uko egin baitiote giltzak emateari. Gainera, gaurko operazioa "bahiketatzat eta agintekeriatzat" jo dute moja horiek.
Gasteizko txosnak itzuli dira txandalariak omenduz, eta musikaz eta aldarrikapenez beteta
Txosnagunea Arabako Campusera itzuliko da kontzertuekin, herri-ekimenekin eta TicketBAIren ezarpenaren kontrako protestekin. Bien bitartean, Txosnetako txandalariak izan dira Txosnisariaren irabazleak.
50 boluntario inguruk Barrundian desagertutako 77 urteko emakumea bilatzeko lanekin bat egin dute
Senideek asteartean salatu zuten adineko emakumearen desagerpena. Emakumea Hermua auzoko bere etxebizitzatik atera zen, eta ez dute berriro ikusi.
Zeledonek baditu aterkia, zahatoa eta zapia: "Ez dugu inolako erasorik onartuko"
Maider Etxebarria alkateak "zorterik onena" opa dio Iñaki Kerejazuri. Kerejazuk bigarren urtez jarraian pertsonaia ezagunaren papera egingo du. Bere hitzaldian, alkateak jaiez "arduraz" eta "errespetuz" gozatzera gonbidatu ditu herritarrak.
Katherine Bidegaray, Montanako Auzitegi Goreneko epailea, euskal amerikar komunitatearen ordezkari boteretsuenetako bat da egun, AEBn
Behe Nafarroako familia batean sortua, haurtzaroa Ipar Dakotako mugako belardietan egin zuen, gurasoen arrantxoan. Bidegaray oso kritikoa da Trumpekin eta etorkinen deportazioekin. Emakumearen eskubideen alde egiteagatik ere ezaguna da.
Chikungunya: tigre-eltxoaren gaixotasuna saihesteko gakoak eta aholkuak
Pello Latasak, Eusko Jaurlaritzako Osasun saileko zaintza epidemiologikorako arduradunak, tigre-eltxoek kutsatzen duten chikungunya gaitzaren inguruan mintzatu da. Latasak azaldu duenez, gaitza ez da zuzenean gizakien artean transmititzen; hala ere, badira salbuespenak. Bideo honetan sintomak zeintzuk diren, transmisioa nola ematen den eta gaitzari aurre egiteko gomendioak eman dizkigu arduradunak.