Ustez bi emakume hil ditu eta hirugarren bat zauritu du gizon batek Aranjuezen
Ustez bi emakume hil ditu eta hirugarren bat zauritu du gizon batek Aranjuezen, su arma batekin. Ustezko erasotzailea hainbat orduz etxebizitza baten barruan egon ostean atxilotu dute, Poliziak jakitera eman duenez.
Igandean, 22:00ak aldera, larrialdi zerbitzuek dei bat jaso zuten udalerri horretako Victoria Khami kalean jazotako eraso baten berri emateko.
Dirudienez, gizon batek etxebizitza batetik tiro egin zien hiru emakumeei, eta handik atera gabe geratu zen hainbat orduz. Tiro batek jota, 35 urteko emakume bat kalean bertan hil zen, eta bigarren biktima ospitalera eraman zuten, egoera larrian.
Zauritutako beste emakumea, berriz, bere kabuz joa zen Aranjuezko ospitalera, eta bertan artatu zuten. Ustezko erasotzailea, 38 urteko gizona, ordu batzuk geroago atxilotu zuten.
Lekukoen esanetan, familian izandako liskar batekin zerikusia izan lezake hilketak, baina hipotesia baino ez da oraindik.
Biktimak erasotzailearen koinatak ziren
Aranjuezko erasoan hildako bi emakumeak erasotzailearen koinatak ziren, ikerketako iturriek zehaztu dutenez. Esan bezala, badirudi familian gertatutako istilu batekin lotuta gertatu izana hilketa. Zauritutako emakumea biktimetako baten ama da.
Tiroketan, tentsio uneak izan ziren, hildakoetako baten senitartekoek erasotzaileari mehatxu eta agirika egin baitzioten. Ondorioz, Polizia Nazionala erasoa gertatu zen lekura bertaratu zen, istiluak baretze aldera.
_____________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan, baina bai telefonoan. Beraz, ez ahaztu ezabatzea.
Albiste gehiago gizartea
Aiora Diaz eta Eñaut Saenz de Viteri Edurne eta Zeledon Txiki izango dira Andre Maria Zuriaren jaietan
Aiora Diaz de Egiguren eta Eñaut Saenz de Viteri, 12 eta 10 urteko neska eta blusa, izango dira Edurne eta Zeledon Txiki Andre Maria Zuriaren Jaietan. Abuztuaren 7an, txikiei eskainitako egunean, eskuartean izango dituzten aterkiak eta ardo zahatoa jaso dituzte.
Euskal diaspora, Txilen
Mikel Reparaz kazetaria Txilen izan da, euskal jatorriko biztanle kopuru handiena duen herrialdean.
Suteek arrisku egoera larrian jarri dituzte Avila eta Caceresko hainbat herri
Extremaduran 2.500 hektarea kiskali ditu asteartean piztutako suak. Avilan, berriz, 600 hektarea inguru erre dira. Hainbat pertsona ebakuatu behar izan dituzte eta egoera ez dago kontrolpean.
Zer dira tsunamiak? Zergatik gertatzen dira?
Errusiako ekialdea astindu duen 8,8 graduko lurrikara izugarriak tsunami alertak piztu ditu Ozeano Barean. Baina, zer dira tsunamiak, eta zergatik sortzen dira?
Legez kanpoko 3.800 tabako-pakete atzeman dizkiete Bilboko aireportuan Armeniatik zetozen bi bidaiariri
Guardia Zibilak kontrabandoko 3.800 tabako-pakete atzeman ditu Bilboko aireportuan, Armeniatik zetozen bi bidaiariren maletetan. 1.900 bana pakete zeramaten. Kontrabandoan aritzea egotzi diete biei.
Zizur Nagusian emaztea hiltzeagatik atxilotutako gizona ondorengo orduotan eramango dute epailearen aurrera
Ikerketako iturriek baieztatu dutenez, atxilotutako gizonezkoak alzheimer gaixotasuna du eta litekeena da osasun-zentro batean ingresatzea.
Itsasadarraren azpiko tunela egiteko proiektua "modu irregularrean eta presaka" onartu izana salatu dute
Subflubiala Ez plataformak, eta Artaza institutuko eta Erromo ikastetxeko guraso elkarteek salatu dute Bizkaiko Foru Aldundiak proiektua onartu duela, alegazioak aurkezteko epea oraindik zabalik dagoenean.
Agertu barik dagoen 77 urteko emakume baten bila dabiltza Barrundian, Araban
16:00ak inguruan, haren senide batek jakinarazi du emakumea etxetik atera dela eguerdian, eta ordutik ez dutela haren berririk.
78 urteko emakume baten hilketa indarkeria matxista gisa ikertzen ari dira Nafarroan
Ikerketako iturriek jakinarazi dutenez, biktimaren senarrak eman du emaztearen heriotzaren berri. Gizona atxilotu dute.
Francis Diez pregoilaria eta Olatz Agirre txupinera, Aste Nagusirako prest
Pregoilariak, Francis Diezek, Doctor Deseo musika taldeko abeslariak, adierazi duenez, "erantzukizuna hartzeko unea zen", eta "gozamena eta betebeharra" bateratzen saiatuko da, "izarra" alde batera utzi eta jaietan jendearen esanetara egoteko. Bestalde, Olatz Agirre txupinerak, Txori Barroteko konpartsakideak, "Bilboko eta inguruko herritarrei, merkatariei eta langileei" gonbitea luzatu die, txupinazoa bota ondoren, jaiez goza dezaten eta parte har dezaten, "pertsona guztientzako lekua dagoelako". "Txori Barrotekoa naiz, baina aurten ez naiz beltzez eta zuriz jantziko, gorriz eta zuriz baizik, konpartsa guztiak eta herri osoa ordezkatzeko", nabarmendu du.