Olentzero eta Mari Domingi hainbat izaki fantastikorekin helduko dira Donostiara
Datorren asteartean iritsiko dira Olentzero eta Mari Domingi Donostiara. Haurrek gutunak emateko aukera izango dute, asteartean, 16:00etatik aurrera, Udaletxeko Osoko Bilkuraren Aretoan. Bertara 15:30etan iritsiko dira, balkoitik agurtzeko.
Trikitilariek eta dantzariek haurren itxaronaldia girotuko dute. Harrera 18:00etan amaituko da eta bertaratutakoen ilara 17:40ean itxiko da udaletxeko terrazara sartzeko burdin hesitik. Orduan, Olentzeroren eta Mari Domingiren laguntzaileek harrerara sartu ezin izan duten haurren gutunak jasoko dituzte.
Gainera, aurten, lehen aldiz, Mari Domingik eta Olentzerok zeinu-hizkuntzaren interprete baten laguntza izango dute, entzuteko zailtasunak dituzten haurrek haiekin askatasunez komunikatzeko aukera izan dezaten.
Dibertsitate funtzionalen bat duten haurrak Ijentea kaleko atetik ere sartu ahal izango dira Osoko Bilkuraren Aretora. Harrera hainbat lantegiekin osatuko da: Olentzero eta Mari Domingirentzat marrazkiak egiteko aukera egongo da, baserritar jantziaren zapia modu egokian jartzen ikasiko dute, baita abarkak lotzen ere. Gainera, bertaratzen direnen artean gaztaina erreak banatuko dituzte.
Aurten, Mari Domingi eta Olentzero 18:30etatik aurrera hirian zehar ibiliko dira, Basandere eta Basajaun bezalako izaki fantastikoez, jentilez, herensugez, iratxoz eta ipotxez, trikitilariz, erraldoiz, eguzkiloreez, 14 egurgile bizikletaz eta 60 baserritarrez lagunduta. Bi karroza ere izango dituzte.
Batean Gabonetako giroa erakusten duen baserri baten irudia ikusiko da eta bestean Olentzero eta Mari Domingi egongo dira. Guztira 1.500 kilo gozoki banatuko dituzte diabetiko zein zeliakoentzat.
Gainera, adin ezberdinetako haurrek osatutako hiru Dantza taldeek Olentzero eta Mari Domingiren abestiak dantzatuko dituzte. Aurten lehen aldiz, desfileak ez du animaliarik izango.
Olentzero eta Mari Domingi ere hiriko auzoak bisitatuko dituzte, Altza, Herrera, Larratxo, Aiete, Antigua, Ibaeta, Bidebieta, Gros, Alde Zaharra, Loiolako Erriberak, Egia, Amara Berri edo Amara igarota.
Albiste gehiago gizartea
Nagore Laffage omendu dute Irunen, haren hilketaren 17. urteurrenean
Nagore Laffage irundarrak Iruñean erizain bezala lan egiten zuen, 2008ko sanferminetan hil zuen Jose Diego Yllanesek hil zuenean. Irunen egindako ekitaldian, Asun Casasola, Nagoreren ama, indarkeria matxistaren prebentzioan egiten ari den lana "aitortu eta bultzatu" nahi izan dute.
Behin-behineko espetxealdia 10 urteko neskato bat indarrez eramaten saiatzeagatik eta beste bati ukituak egiteagatik, Iruñean
Gertakariak uztailaren 5eko gauean jazo ziren, eta hamar urteko bi biktimen amek salatu zituzten. Oinezko batzuek atxilotu zuten erasotzailea, adingabea bere borondatearen aurka eramaten ari zela ohartu baitziren.
78 urteko bainulari bat hil da Kontxako badian
Gizona ondoezik sentitu da 16:00ak aldera, Nautikoko pasabideko eskaileretatik gertu, bertara itzultzen ari zenean.
Sanferminetako entzierroen atzean izkutatzen diren istorio bereziak
Uztailaren 7ko entzierroa berezia izan ohi da. Garai honetan soilik elkar ikusten duten lasterkariak berriz elkartzen dira. Bakoitzak korrika egiteko bere arrazoiak ditu edo bere erronka gainditu nahi du. Ikusleen artean ere istorio bitxi eta politak aurkitu ditugu.
Osakidetzak 577 prestakuntza lanpostu eskainiko dizkie mediku eta erizain egoiliarrei, aurreko ikasturtean baino 11 gehiago
Eusko Jaurlaritzako Osasun Sailak esan du aurten ere ahalik eta lanpostu gehien eskaini dituela Lehen Mailako Arretari lotutako kategorietan. Zehazki, Familia eta Komunitate Medikuntzan 115 dira, Familia eta Komunitate Erizaintzan 37, eta Pediatrian 30.
Erraldoien Konpartsak, Andre Maria Zuriaren Kofradiak eta hiru Urrezko Zeledonek txupinazoa botako dute Gasteizen
Horrela, Joseba Perea, Blanca Aguillo, Joseba Fiestras, Satur Garcia eta Begoña Divar izango dira txupinazoa jaurtitzeko arduradunak, Gasteizko Udaleko PPren bozeramaileak iragarri duenez.
Milaka iruindar kalera irten diran San Fermin omentzeko, jaietako egun handian
Milaka pertsonak zuzenean ikusi nahi izan dute San Ferminen prozesio tradizionala. Santua San Lorenzo elizatik atera denetik ibilbidea amaitu arte, txaloak ez dira isildu Iruñeko kaleetan.
Uztailaren 8ko entzierroa, zuzenean
Sanferminetako uztailaren 8ko entzierroa bertatik bertara Orainen, 07:40etik aurrera.
Nafarroako Gurutze Gorriak omenaldi hunkigarria egin dio Jose Aldabari
Sanferminetako entzierroetako osasun-dispositiboan egindako informazio-lanagatik ezaguna, lankideek omenaldia egin diote entzierroa hasi baino lehen. Jose Aldaba urtarrilaren 31n hil zen, 58 urte zituela.
Hizkera inklusiboa erabiltzeak ekidin egiten du munduari maskulinotik begiratzea, ikerketa baten arabera
Laura Vela-Plo, Marina Ortega-Andres eta Marta De Pedis ikertzaileek osatutako taldeak “erresistentzia” ugari hauteman eta baliogabe utzi dituzte hizkera inklusiboa ez erabiltzeko zabaldutako “aitzakiak”.