Behin-behineko espetxealdia 10 urteko neskato bat indarrez eramaten saiatzeagatik eta beste bati ukituak egiteagatik, Iruñean
Gertakariak uztailaren 5eko gauean jazo ziren, eta hamar urteko bi biktimen amek salatu zituzten. Oinezko batzuek atxiki zuten erasotzailea, adingabea gogoz kontra eramaten ari zela ohartuta.
Iruñeko epaitegi batek behin-behineko espetxealdia, komunikatua eta fidantzarik gabe, ezarri dio gizon bati, Iruñeko barraketan 10 urteko adingabe bat indarrez eramaten saiatzeagatik eta Descalzos kalera igotzen diren igogailuetatik gertu 10 urteko beste adingabe bat ukitzeagatik.
Epaileak 16 urtez beherako adingabe bati egindako sexu-erasoa, legez kanpoko atxiloketa eta lesio delitua leporatu dizkio, ebazpenaren arabera.
Epailearen idatziak jasotzen duenez, hamar urteko bi biktimen amek salatu zituzten gertakariak, eta zehaztu zuten 2025eko uztailaren 5ean, 22:40 aldera, atxilotuak ipurmasaila ukitu ziola adingabeetako bati, eta, ondoren, besteari eskua sartu ziola Iruñeko Descalzos kalera doazen igogailuen inguruan zegoenean.
Era berean, epaileak adierazi du zantzuen arabera egiaztatuta dagoela atxilotuak, ukituak egin baino lehen, besoetan hartu zuela beste adingabea, Iruñeko Arrotxapea auzoko barraketako batetik jaitsi zenean.
Bertatik eramaten saiatu zen, eta ihes egin zuen. Azkenean, oinezko batzuek gizona atxiki egin zuten, adingabea gogoz kontra eramaten ari zela ohartu baitziren, biktima negarrez eta nabarmen jota baitzegoen.
Halaber, atxilotuak gogoz kontra eramatean egindako zaurien parte medikoa du adingabeak, eta bizkarrean mina duela egiaztatu dute.
Atxilotuak ukatu egin du gertatutakoa, eta azaldu du Nafarroan lan egiten duela, baina kalean bizi dela.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.