AHTaren Aralarko zulaketa-lanak “berehala” hasiko dira, Santanoren arabera
Garraio eta Mugikortasun Iraunkorrerako Estatu idazkariak azaldu du udalekin eta lurjabe partikularrekin egin beharreko elkarrizketak "elkarlan onean" egin direla. Zulaketen ondorengo txostenak "datorren urteko udaberrirako" egotea espero du.
Laster hasiko dira Aralar mendilerroan abiadura handiko trenarekin lotutako lagin hidrogeologikoak hartzeko zulaketak. AHTaren Ezkio-Itsaso eta Iruñea arteko zatia egiteko zulaketak ingurumenean nolako eragina izango duen zehaztuko da lagin horien bidez.
Jose Antonio Santano Garraio eta Mugikortasun Iraunkorrerako Estatu idazkariak egin du iragarpena, astearte honetan, Astigarragan (Gipuzkoa), geltoki berria eta Gipuzkoako aldirietako trenbide-sarearekin izango duen lotunea eraikitzeko hitzarmena sinatzeko ekitaldian. "Berehala hastea espero dugu; orain edo udaren ondoren izan daiteke", esan du.
Santanoren hitzetan, zulaketak egingo diren lurren jabeekin —udalekin zein jabe pribatuekin— elkarrizketak oso aurreratuta daude eta "lankidetza onean" egiten ari dira. Gaineratu duenez, guztiekin hitz egin dute eta "gauzak argi eta ordenatuta daude".
Zulaketa-lanen iraupenaz galdetuta, Estatu idazkariak esan du "hilabete batzuk" iraungo dutela. Azaldu duenez, batzuk sakonera handikoak dira, 300 metro ingurukoak.
Hala ere, onartu du "xehetasun askorik ematea saihestu” nahi dutela, “orain arte izan diren arazoak ekidin" nahi dituztelako.
Azkenik, lagin horien ondotik egin beharreko txosten teknikoak hurrengo urte hasierarako espero ditu. “Zulaketa-lanak aurten eta datorren urtearen hasieran egiten baditugu, urtearen lehen zatian" izatea espero du, "udaberrian, beharbada".
Zure interesekoa izan daiteke
Bilboko aireportuaren hobekuntza-lanen kudeaketa lizitatu du Aenak, ia 23 milioi eurotan
Nafarroako Volkswagen ID. Cross modelo elektrikoa ekoizten hasi da
ELAk lanbide arteko akordioa bilatuko du langileek lanorduetan euskara ikasi ahal dezaten
Barredok iragarri du lehorteari aurre egiteko aparteko laguntzak aurten emango dituztela, ofizioz
EAEko ekonomia % 2,3 hazi da bigarren hiruhilekoan, aurreikusitakoa baino hiru hamarren gehiago
Euroguneko inflazioa % 3,2ra igo zen abuztuan, aurreikusitakoa baino hamarren bat gutxiago
Argindarraren prezioak gora egin du iraileko lehen hamabostaldian, eta baliteke 2022tik izan den ordainagiririk altuena izatea
Euskadik 25 milioi euro inguru bideratuko ditu altzairuaren eta metalen erabilera zirkularra sustatzera
Brent upelaren prezioa apaldu egin da 108 dolarreraino
