Bizkaiko ehungintza sektoreko soldatak ordaindu beharko ditu Primarkek, eta ez baxuagoak
ELAk auzitara eraman zuen enpresa eta Euskal Autonomia Erkidegoko Auzitegi Nagusiak arrazoia eman dio sindikatuari. 2024ko maiatzetik galdu duten dirua ere ordaindu beharko die langileei.
Primarkeko denda baten artxiboko irudia.
Euskal Autonomia Erkidegoko Justizia Auzitegi Nagusiak (EAEAN) arrazoia eman dio ELAri Primarken aurka jarritako demandan. Hala, aurrerantzean Bizkaiko ehungintza sektorearen hitzarmena aplikatu beharko die langileei eta 2024ko maiatzaren 23tik jasan duten soldata-galera eta atzerapenak ordaindu beharko dizkie.
Bizkaiko ehungintzaren sektoreko hitzarmena aplikatu beharrean enpresako hitzarmen propioa zerabiltzalako eraman zuen sindikatuak Primark auzitara. Bizkaiako hitzarmenak soldata handiagoak ditu eta ELAk argi zuen langileei hori zegokiela.
Ebazpen judizialak arrazoia eman dio sindikatuari. Epaiak dio enpresa horretako Bizkaiko plantillak, 2024ko maiatzaren 23tik, eskubidea zuela sektoreko hitzarmenak jasotzen dituen soldatak kobratzeko.
Orain, Primarkek egun horretatik aurrera Bizkaiko langileen soldata-atzerapenak ordaindu beharko ditu, eta aurrerantzean Bizkaiko hitzarmena aplikatu beharko du.
"Epaia irmoa ez bada ere, eta errekurtsoa aurkez badaiteke ere, ELA pozik dago garaipen judizial honengatik, eta lan baldintzen estatalizazioa geldiarazteko lanean jarraituko duela adierazi du", adierazi du sindikatuak ohar batean.
Zure interesekoa izan daiteke
Euskararen erabilera sustatzeko ekimenen aurrekontua % 12,2 handitu dute, 105 milioiraino
Onnera Group kooperatibak barne prozesua abiatu du Fagor taldetik atera ala ez erabakitzeko
Confebaskek eta beste lau enpresa-erakundek herri itun bat proposatu dute EAEn lehiakortasuna indartzeko
Azaroaren 11ko greba orokorrerako mobilizazioak aurkeztu dituzte Euskadiko UGTk eta CCOOk
Osakidetzak gaur irekiko du 2023-24-25 EPEaren hirugarren faserako izen-ematea
Sindikatuek, Osakidetzari: "Grebak izandako jarraipen handiak benetako aurrerapenak eskatzen ditu"
Vicinayko langileek uste dute enpresaburuak interes handiagoa duela lursailetan industria-jardueran baino
Milioi askoko lapurreta kriptomoneta-plataforma handienean
