Astigarragako tren geltokia eraikitzeko lanak 2025eko amaieran edo 2026ko hasieran abiatuko dira
Proiektua aurrera eramateko lan-hitzarmena sinatu ostean, alkateak esan du egun “pozgarria” dela herriarentzat, “Gipuzkoarekin lotuko duen” garraioa izango duelako.
Hitzarmena sinatzeko ekitaldia. Argazkia: EITB
Eusko Jaurlaritzak iragarri du Astigarragako (Gipuzkoa) aldirietako tren geltokia eta pasabidea eraikitzeko lanak urte honen amaieran edo 2026ko hasieran abiatuko direla. Horixe adierazi du Susana Garcia Chueva Garraio sailburuak Espainiako Gobernuarekin eta Astigarragako Udalarekin batera lan-hitzarmena sinatzeko egin duten ekitaldian.
Proiektuak 15 milioi euro inguruko aurrekontua izango du: Eusko Jaurlairtzak 2,6 milioi euro jarriko ditu, eta Estatuak, gainerakoa. Udalak geltokia eta pasabidea eraikitzeko lur-sailak emango ditu.
Xabier Urdangarin Lasa Astigarragako alkateak esan du “egun pozgarria” dela astigartarrentzat, herria “Gipuzkoarekin lotuko duen” lan-hitzarmena sinatu duelako. Alkateak aitortu du Astigarragak “gabezia handiak” dituela garraio arloan, eta Irun-Brinkola linearekin lotuta, “lanera, ikastera, Tolosako eta Ordiziako azoketara…” joateko aukera izango dutela.
Espainiako Gobernuak 12 milioi euroko inbertsioa egingo du geltokia eta pasabidea eraikitzeko, “aurrekontuaren % 80”, Jose Antonio Santano Garraio eta Mugikortasun Iraunkorrerako Estatu idazkariak azpimarratu duenez.
Aitortu du “ahultzen” utzi duten linea dela Irun-Brinkola, eta egun arazo handiak dituela, tartean joan-etorrien kopuruaren beherakada eta uda honetan eta hurrengoan izango dituen bi hilabeteko etenaldiak, baina 2026ko amaieran “guztia martxan eta maiztasunak berreskuratuko” omen ditu.
Garcia Chuecak, bestalde, baieztatu egin du lanak 2025aren amaieran edo 2026ko hasieran abiatuko direla, eta nabarmendu du trenak “etorkizun handia duen mugikortasun iraunkorrerako tresna” izaten jarraitzen duela. Gainera, gogorarazi du azpiegiturak ez duela Astigarraga soilik aldirietako linearekin lotuko, Loiolako Erriberetako trukagunean Euskotrena hartzeko aukera egongo delako.
Zure interesekoa izan daiteke
Ertzaintzak 65 urtetik gorako pertsonen 11.976 biktimizazio erregistratu zituen 2025ean
Biktimizazio mota hauen erdia baino gehiago 50.000 biztanletik gorako udalerrietan kontzentratu ziren.
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.