Abadiñoko kiroldegiaren teilatuaren zati bat altxatu du haizeak
Haize bolada bortitzak izan dira otsailaren 16 honetan Bizkaian. Ondorioz, arazo batzuk izan dira eta suhiltzaileek esku hartu behar izan dute hainbat kasutan. Abadiñoko kasuan, adibidez, Astola kiroldegia itxi egin behar izan dute denboraldi baterako, haizeak teilatuaren zati bat altxatu baitu.
Gertaera horren ondoren, Udalak kiroldegiaren inguruko aparkalekua hustu du eta inguruko autoak handik mugitu dituzte, segurtasuna bermatze aldera.
Udal arduradun eta teknikariek bilera egingo dute bihar, kalteak zenbaterainokoak diren baloratzeko eta konponketa lanak hasteko.
Igerilekuak itxita egongo dira teilatua konpondu arte, eta gimnasioa erabili daitekeen edo ez biharko bileran erabakiko dute.
Suhiltzaileek lana izan dute haizegatik Getxon, Erandion, Portugaleten, Barakaldon, Ermun...
129 km/h-ko haize ufadak Bermeon eta 117 km/h-koak Trapagaranen
Bermeon dagoen Matxitxakoko estazio meteorologikoak 129 km/h-ko haize ufadak erregistratu ditu, eta Arboledan, Trapagaranen, 117 km/h-koak. Urduñan 110 km/h-ko indarrarekin jo du haizeak.
Euskalmetek jakitera eman duenez, haizeak horren gogor jotzen ez duen Bizkaiko zonaldeetan ere ufada gogorrak izan dituzte: 83 km/h-koak Sestaon eta 81 km/h-koak Bilbon, Deustu auzoan, adibidez.
Bestalde, haize bolada indartsu horiek direla eta, suhiltzaileek Gaztaineta mendian piztutako sutea itzaltzeko zortzi ordu baino gehiago behar izan zituzten bart, Segurtasun Sailak jakinarazi duenez.
Albiste gehiago gizartea
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.
Gipuzkoako Kofradiek itsasoan lanean aritu eta erretiroa hartu dutenei omenaldi beroa egin diete
Karmen eguna ospatzen ari dira Euskal Herriko hamaika txokotan. Arrantzaleen eguna da, hain zuzen ere. 322 arrantzaleen lana eskertu dute, baita saregileena ere, eta giro ederrean ospatu Donostiako kaian.