Gasteizko kirol-instalazio publiko eta pribatuak itxi dituzte, koronabirusa dela eta
Gasteizko kirol-instalazio garrantzitsuenak itxi dituzte astearte honetan, koronabirusaren hedapenari aurre egin nahian, Udalak ohar baten bidez jakinarazi duenez. Gauzak horrela, Mendizorrotzako eta Gamarrako instalazio publikoek eta Estadio Fundazioko instalazio pribatuak bi astez izango dituzte ateak itxita.
Eusko Jaurlaritzako Osasun Sailak emandako gomendioei jarraituz, Estadio Fundazioak bere kirol-instalazioak itxiko ditu hilaren 11tik 24ra bitartean, eta, ondorioz, bertan behera utziko ditu datozen egunetarako aurreikusita zeuden kirol-jarduera guztiak, prebentzioz. Estadio Fundazioak ohar batean azaldu duenez, 20.000 abonatu inguru ditu, baina egunero jende gutxiago bertaratzen da.
Dena dela, hori ez da martxoaren 24ra arte hiriburuan itxita egongo den instalazio bakarra, izan ere, Gasteizko Udalak erabaki bera hartu du Mendizorrotzako, Gamarrako eta hiriko gizarte-etxeetako instalazioekin; horrenbestez, herritarrei informazioa emateko bulegoak eta oinarrizko gizarte-etxeetako zerbitzuak bakarrik izango dira lanean.
Astearte honetan, Gasteizko 60.000 ikaslek baino gehiagok klaserik gabeko lehen eguna dute, Eusko Jaurlaritzak hiriko ikastetxe guztietan eskola-jarduera bi astez etetea gomendatu ondoren. Koronabirusaren hedapenari aurre egiteko asmoz hartutako prebentzio-neurria da.
Unibertsitatez kanpoko 62 ikastetxeri eta EHUko zazpi zentrori eragiten die salbuespenezko neurri horrek, eta, beraz, eskola sareko 53.000 ikaslek eta unibertsitate mailako 8.000 ikaslek ez dute klaserik izango. Datu horri, gainera, era guztietako akademietako ikasleak gehitu behar zaizkio, Bastidako bi ikastetxeetako ikasleak, Guardiako institutukoak, baita Arabako Errioxako beste datu batzuk ere. Horrela, guztira 63.000 ikasle geratuko dira etxean.
Udalaren bost haur eskolari (Haurtzaro, Sansomendi, Zaramaga, Lourdes Lejarreta eta Zabalgana), Luis Aranburu Musika Eskolari, Folklore Akademiari, Jose Uruñuela Dantza Kontserbatorioari eta Arte eta Lanbide Eskolari ere eragiten die erabakiak.
Zure interesekoa izan daiteke
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.