Donostiako Gabonetako argiak ostiral honetan piztuko dira
Donostiak datorren ostiralean, azaroak 27, piztuko ditu Gabonetako argiak, eta ekitaldia 18:00etatik aurrera jarraitu ahal izango da streaming bidez. Aurtengo berrikuntzen artean nabarmentzekoa da Iñigo Aristegiren "el Abrazo-Besarkada" argi eskultura handi bat jarriko dutela Santa Katalina plazan, COVID-19ko biktimak omentze aldera.
Bestalde, Gabonetako azoka abenduaren 11n irekiko dute. Frantzia Pasealekuan 28 etxola jarrik dira eta, Santa Katalina Plazan, berriz, zazpi. Aurten, gainera, Gabonetako azoka online ere egingo da www.donostiakogabonetakoazoka.eus webgunearen bidez. Abenduaren 18an jarriko da martxan, eta herritarrek opariak, dekorazioa eta gastronomia-produktuak erosi ahal izango dituzte, % 30eko deskontuarekin eta etxez etxeko doako banaketarekin.
Marisol Garmendia Ekonomia Bultzatzeko zinegotziak adierazi duenez, "urte berezi honetan, argi bereziarekin distiratuko da Donostia. Azken urteetako ahaleginetako bat argi-efektuak berritzea izan da, eta aurten, pandemiaren ondorioak jasan dituztenei eta pairatzen dituztenei keinu solidario bat egitearen alde egin dugu, 7 metroko altuera eta 800 kiloko pisua duen eskultura baten bidez, besarkada solidario bat transmitituko diguna ".
Donostiak gabonetako argiztapena hiri osoan zehar banatuko da beste behin; Alderdi Ederren kokatutako bola argitsu bat, Chillidaren Haizearen Orraziaren eta Basterretxearen Bakearen Uholdearen motiboak dituzten argi-arkuak, Kontxako baranda, Urumea ibaiaren gaineko kuboak (aurten hainbat kolore izango dituzte) eta zubietako arkuak barne. Maria Cristina hotelaren fatxada ere ehunka bonbillaren bidez argiztatuko da.
Aurten indartu den guneetako bat Alde Zaharra da; pandemiaren ondorioz, "merkataritza eta ostalaritza-hutsunea" jasaten ari da bereziki, eta bisitarien kopurua nabarmen murriztu da. Hala, Donostia Shopssekin lankidetzan, Kale Nagusiko 28 saltoki girlandekin apaindu dituzte, eta sei metroko garaiera duen argi-bola bat jarri dute Konstituzio Plazan, argiak dituzten bi zuhaitzen ondoan. Horren inaugurazioa abenduko zubiaren ondoren izango da.
Argien pizte ekitaldia Internet bidez jarraitu ahal izango da, 18:00etan hasiko den zuzeneko emanaldi baten bidez, Donostiako Udaleko Youtubeko eta Donostiako Sustapeneko kanaletan.
Gabonetako azoka
Gabonetako merkatuari dagokionez, Garmendiak nabarmendu du "modernizazioaren aldeko apustua" egin duela, "merkatuaren bertsio digital honen bidez, erosketak egin eta deskontu desberdinak lortzeko". Bestalde, merkatu tradizionalak, Frantzia Pasealekuan eta Santa Katalina plazan egon ohi denak, osasun-segurtasun neurri zorrotzak izango ditu, kutsadurarik gabeko espazio bat eskaintzeko, neurri pertsonal logikoetatik harago ".
Gabonetako Azokak abenduaren 11n irekiko ditu ateak, Frantzia pasealekuko 28 etxolarekin eta Santa Katalina plazako 7 etxolarekin. Aurtengo irekiera neurri sanitarioek eta mugikortasun murrizketek baldintzatu dute. Hala, Gabonetako Merkatuaren zirkuituan babes-neurriak ezartzen dituen segurtasun-protokolo bat prestatu da, koronabirusarekiko esposizio-arriskuak ahalik eta gehien murrizteko eta, horrela, pertsonen segurtasuna eta osasuna bermatzeko.
Gabonetako azoka online
Aurten merkatariek merkatu birtual bat izango dute beren produktuak Internet bidez saltzeko, eta plataforma hori ere tokiko saltokien eskura egongo da, etxolarik ez badute ere. Gabonetako opari, elikadura edo dekorazio-saltokiek online merkatu horretan parte hartu nahi izanez gero, oraindik doan egin dezakete eskaera Gabonetako Azokaren webgunean (www.donostiagabonetakoazoka.eus).
Webgunearen bidez erosketa bat egiten duten pertsonek % 30eko beherapena jaso ahal izango dute, gutxienez 20 euroko gastutik aurrera, eta gehienez 30 euroko beherapena izango dute. Gainera, doako etxez etxeko garraioa izango dute.
Zure interesekoa izan daiteke
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.