Nieblaren erasotzailearen bikotekide ohiak esan du auzipetua "oso jeloskorra" zela
Asier Nieblaren heriotzarekin lotuta epaitzen ari diren gizonaren neska-lagun ohiak ostiral honetan deklaratu duenaren arabera, Urnietako gazteak "aurpegian" jaso zuen kolpea, "aurrez aurre". Adierazpen horri erantsi dio biktimak ezin izan zuela erasotzailea ikusi, eta, ondorioz, ezin izan ziola aurre egin. Erasotzaileari buruz gaineratu du "oso jeloskorra" zela.
Gipuzkoako Auzitegian egiten ari diren epaiketaren hirugarren saioan hartu du hitza Asier Nibela hiltzeagatik auzipetuta dagoen gizonaren bikotekide ohiak. Zazpi urteko harremana izan zuten, baina 2018ko abuztuaren 12an, Donostian erasoa gertatu zenean, dagoeneko ez ziren bikote. "Halere, kontrolatuta bizi nintzen", esan du gaurko saioan.
"Nire sare sozialak begiratzen zituen, lagun berriak ote nituen ikusteko, eta ez zitzaion gustatzen berarekin ez nengoenean egiten nuen ezer", adierazi du emakumeak. Dena den, argi utzi du inoiz ez ziola eraso fisikorik egin.
Emakumearen esanetan, mutil-lagun ohiak askotan esan zion ezingo zuela jasan beste norbaitekin ikustea, eta horrelakorik gertatuz gero mutilari min egingo ziola. Gainera, harremana hautsita zegoen arren, etxera deitzen omen zion eta inoiz lanera bila ere joan omen zitzaion.
Epaiketan aitortu du genero indarkeriagatik salaketa jarri zuela haren aurka. Horrekin lotuta, auzipetuaren abokatuak eskatu du emakumeak instrukzioko epaitegian egindako adierazpena berriro entzutea, "Asierri lagunduko badio, salaketa jartzeko prest nago" adierazi omen zuelako orduan.
Abuztuaren 12ko gauean, erasoa jazo orduko, "iskanbila" sortu zuen udaletxe aldameneko taxi geltokian erasotzaileak, haren neska-lagun ohiak zehaztu duenez. "Une horretan jarrera oldarkorra erakutsi zuen, emagaldu deitu zidan, eta nire lagun bati aurre egin zion", azaldu du.
"02:00ak aldera Asier Nieblarekin geratu nintzen. Kontxa alboko terraza batean zegoen lagun batzuekin, eta handik Perujuantxo kaleko taberna batera joan ginen guztiok. 05:00etan taberna kanpoan nengoen Asierrekin eta nire lagunarekin, eta bat-batean agertu zen korrika, eta aurpegian kolpe bat eman zion. Bazekien non jo, etxean boxeoa praktikatzen baitzuen", gaineratu du. "Asier lurrera erori zen, eta erasotzailea gainera bota zitzaion eta kolpe gehiago eman zizkion".
Adierazpen horrekin, beraz, atzo auzipetuak egindako deklarazioa gezurtatu du.
Aurretik, beste lau lekukok deklaratu dute, eta bertsio ezberdinak eman dituzte Asierrek jasotako kolpearen nolakotasunari buruz. Batzuen adierazpenak ez dira bat etorri instrukzioko epaitegian esandakoarekin.
Zure interesekoa izan daiteke
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.