Haur eta nerabeen eskubide berdintasunean aurrera egiteko bidea mantsotu du pandemiak
Martxoaren 8an Emakumearen Nazioarteko Eguna dela eta, Save the Children gobernuz kanpoko erakundea kezkatuta agertu da covid-19aren pandemiak haurren eskubideen aldeko borrokan izan duen eraginagatik, dela Euskal Autonomia Erkidegoan, dela mundu mailan. Horregatik, umeen eta nerabeen berdintasunean aurrera egiteko aukera ematen duten ekintzak sustatzeko beharra aldarrikatu du.
Erakunde honek argi utzi du, gainera, pandemiaren ondorio sozioekonomikoek bereziki emakumeei eta haurrei eragiten dietela. Azken urtean, 500.000 ume egon dira behartuta ezkontzeko arriskuan, eta milioi bat neskato geratu dira haurdun, gogoz kontra.
Ikerketa horrek erakusten du, halaber, datozen bost urteetan 2,5 milioi neskato behartuko dituztela ezkontzera. Horrek esan nahi du 2025erako gisa horretako 61 milioi ezkontza egongo direla munduan.
Bestalde, covid-19aren ondorioz, mutilazio genitala ere haz daitekeela uste du Save the Childrenek.
Bukatzeko, mundu mailan izandako krisi ekonomikoak bultzatuta, eskola utzi behar izan dute ume askok, eta emakumeen kasuan zaurgarritasuna hazi du horrek.
EAEko egoerari dagokionez, guraso bakarreko familietan (gehienak emakumea dute buru) pobrezia arriskua handitu du covid-19aren pandemiak, % 33ra iritsi arte, Save the Childrenen esanetan. 2021ean euskal ekonomiak hobera egiteko aukerak dituen arren, pobrezia ez da txikituko. Hori dela eta, umeei eta talde zaurgarrienei zuzendutako neurriak ezinbestekotzat jo ditu aipatu erakundeak.
Bestalde, gogora ekarri du alarma egoera indarrean zegoen bitartean Satevi zerbitzuak 1961 dei jaso zituela EAEn. Horietatik 1.322 genero indarkeria jasan zuten emakumeen deiak ziren.
Azkenik, lan munduan krisiak emakumeengan izandako ondorio larriei buruzko datuak jaso ditu Save the Childrenek. 2020ko hirugarren hiruhilekoan biztanleria aktiboaren inkestak jasotako datuen arabera, urte amaieran % 18,39ra iritsi zen langabezia tasa emakumeen artean. Gizonen artean, berriz, % 14,39ko langabezia tasa neurtu zuten.
Zure interesekoa izan daiteke
30 urteko zatiketak markatutako Alardea ospatuko dute gaur Hondarribian
Hondarribiak bere egun handia ospatuko du gaur, gizon soldaduz eta 20 emakume kantineroz osatutako Alarde tradizionalarekin eta desfile parekidearen alde egiten duen Jaizkibel konpainiarekin.
Azpeitiko taxilariaren ustezko hiltzailea oinez eta menditik iritsi zen Ondarroara
43 urteko gizona fidantzarik gabeko behin-behineko espetxealdian dago, epailearen aginduz. Ikerketaren arabera, hasieran ibilgailu batean ihes egin ondoren, oinez eta mendian zehar ibili zen Azpeitia eta Ondarroa arteko ibilbidearen zati batean, haren bila ibili ziren 48 orduetan.
Gasteizko suhiltzaileak lanean ari dira Gardelegiko zabortegian piztutako sutea amatatzeko
Gasteizko Udaleko hiru suhiltzaile-talde lanean ari dira astelehen honetako 18:00etatik aurrera Gardelegiko zabortegiaren inguruan hautemandako sute bat itzaltzeko. Sua materia organikoaren metaketa duen zabortegiaren eremu batean gertatu da.
Epaileak behin-behinean espetxera bidali du Azpeitiko taxilaria hiltzeagatik akusatutako gizona
Hilketa delitua egotzita bidali du Azpeitiko epaileak kartzelara akusatua. 43 urteko gizonak bere burua entregatu zuen larunbat goizaldean Ondarroako ertzain-etxean, eta poliziaren esku egon da ordutik. Atxilotu zutenean arma bat zeukan gizonezkoak, baina oraindik ez dakite hilketan erabili zuena ote den.
41 urteko gizon bat atxilotu dute Gasteizen, bere etxebizitzan emakume bati sexu-erasoa egitea egotzita
Bestalde, Gasteizko Udalak jakinarazi du 34 urteko beste gizon bat ere atxilotu dutela, bikotekide ohia etxean giltzapetu eta labana batekin mehatxu egiteagatik.
Freedom Flotilla urrian abiatuko da berriro Gazara
Freedom Flotillako tripulatzaileek iragarri dutenez, urrian berriro hartuko dute Gazarako bidea, nazioarteko komunitateak Palestinan "genozidioarekin duen konplizitatea" salatzeko, jakin arren Israelek indarkeria erabili eta atxiloketak egingo dituela.
Emakundek eta Arartekoak elkarrizketaren bidea aldarrikatu dute Hondarribian alarde parekidea lortzeko, ospakizunaren atarian
Bi erakundeek elkarrizketa-bideak aldarrikatu dituzte Hondarribian alarde parekidea lortzeko, eta bihar bertan izango direla berretsi dute, Jaizkibel konpainiari babes sendoa adierazteko. Deialdi honek bat egiten du emakumeak desfilean lehen aldiz parte hartzen saiatu zireneko 30. urteurrenarekin, eta bitartekaritza-prozesua hautsi ostean herrian sortutako tentsio giroarekin.
Jaiotza kopurua % 0,9 apaldu da Euskadin 2026ko lehen hiruhilekoan
Araban % 1,5 apaldu dira jaiotzak (527 jaiotza); Gipuzkoan, berriz, % 2,3koa izan da beherakada (1078 jaiotza), eta Bizkaian % 0,2 handitu dira erditzeak (1.640).
Bixente Igarzabal mendizale eta triatleta nafarra hil da Alpeetan izandako istripu batean
Lesakako kirolari ezaguna, 53 urtekoa, atzo hil zen eroriko baten ondorioz. Udalerrian samina da nagusi, oso pertsona ezaguna eta maitatua baitzen.
Hasi da ikasturte berria EAEn, arreta gaitasunen, bizikidetzaren eta osasun digitalaren hobekuntzan jarriz
Hezkuntza Sailak sustatutako 2025-2028 Estrategia Integralaren hedapenak markatuko ditu aurtengo eta datorren ikasturteak, beherakada demografikoak eta AAren erabilerak baldintzatuta. Nafarroan ere gaur ekin diote ikasturteari, baina oso bestelakoa da egoera.