Euskal Encounterren 29. edizioak 540 ordenagailu izango ditu
Euskal Encounterren 29. edizioa aurrez aurreko formatura itzuliko da aurten, baina edukiera askoz txikiagoarekin, 540 ordenagailu. Aurrez aurre ospatu zen azken edizioan, 2019an, 5.100 ordenagailu egon ziren erabilgarri.
Edukiera ia % 90 murrizteak, osasun segurtasunak, higieneak, aireztapenak eta distantzia neurriekin batera, "ekitaldia lasaitasun osoz gozatzeko aukera emango du", azaldu du Sabino San Vicente Euskaltel Fundazioko zuzendari eta Euskal Encounterreko koordinatzaileak.
Informatika zaleen bilera uztailaren 22tik 25era izango da, BECen, eta Espainiar Estatuan modu presentzialean ospatuko den lehen hitzordua izango da, antolatzaileek nabarmendu dutenez.
"Euskal Encounterren edizio hau aurrez aurreko ekitaldietara itzultzeko lehen urratsa da. Urte eta erdiz jaiak online ospatu ondoren, Encounterraren deseskalatzeakin hasteko unea dela iruditzen zaigu", gaineratu du San Vicentek.
Hori dela eta, antolakuntzak, edizio berezi honetan, aurrez aurreko edozein "party" ren mailako programa baten aldeko apustua egin du, bere arlo tradizionaletan dozenaka lehiaketa eta jarduera eginez: sormen digitala, hardwarea, programazioa eta bideo-jokoak.
Euskaltelek eskaintzen duen konektagarritasuna izango da hitzorduaren indarguneetako bat. Euskaltelek eskainitako 60 gigei esker Estatuko ekitaldirik azkarrena bihurtuko da, Iruri Knörr Euskalteleko Marketin Digitaleko arduradunak azaldu duenez.
Leyre Madariaga Eusko Jaurlaritzako Eraldaketa Digitalaren eta Ekintzailetzaren zuzendariak azokan modu telematikoan eta irekian gai espezializatuei eta interes orokorrei buruz zabalduko den prestakuntza-eskaintza azpimarratu du.
Uztailaren 22tik 24ra bitartean, 28 hitzaldi eta tailer emango dira bideojokoen diseinatzailearen rolari, ekintzailetzari, kriptomoneten munduan sortzen ari diren iruzur motei, adimen artifizialen aplikazioei eta zibersegurtasunari buruz.
Saio horiek Euskal Encounterren Youtubeko kanalaren bidez emango dira zuzenean, eta "festaren" berri Twitchen jarraitu ahal izango da, BECetik emango den Encounter TV programari esker.
Albiste gehiago gizartea
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.
Erretzea debekatuta, Iparraldeko parke eta hondartza publikoetan
Eskola inguruak, autobus geltokiak eta kiroldegiak ere debeku horren barruan daude. Hala ere, tabernetako terrazetan ez da debekua ezarri, eta neurriak ez die bapeagailu eta antzekoei eragiten.
Gizon bat atxilotu dute Bilbon, apirilean izandako hilketa baten egilea delakoan
Bilboko ertzain-etxean dago, atxiloturi, beharrezkoak diren izapideak amaitu zain.
Bero-boladan ondo lo egiteko aholkuak
Carla Pia Arabako ESIko Loaren Unitateko neurofisiologoak adierazi duenez, bero-boladetan jende askok okerrago egiten du lo, maila zentralean gure tenperatura jaitsi egin behar delako lo hartzeko, eta egun hauetako beroarekin zailagoa da. Arropa gutxiagorekin edo estali gabe lo egitea gomendatzen du, nahiz eta pertsona batzuei kosta egiten zaien.
Min kronikoa duten pertsonen kopurua igo egin da Euskadin, eta, horrekin batera, opioideen erabilera
Euskadin, 370.000 pertsonak pairatzen dute egunero min kronikoa, eta opioideen erabilera bikoiztu egin da sei urtean. Gorakada horrek alarma guztiak piztu ditu, eta botika horien abusua osasun publikoko arazo bihurtzen ari da. Adituek ohartarazi dute premiazkoa dela paradigma aldatzea: min iraunkorra tratatu bai, baina mendekotasuna saihestuta.
EHUk irudi berria aurkeztu du, Chillida Lekun
Chillidak bere garaian egin zuen "kontzeptu unibertsala"ri eutsi dio EHUk, baina marka sinplifikatu du "argiagoa eta gogoratzeko errazagoa egiteko, eta komunikazio inguru berrietara egokitzeko". Horrez gainera, EHUren ereserkia izango den abestia ere aurkeztu dute. Luca Fanelli eta Jone Uria irakasleek egin dute, eta Leire Berasaluzek abestu du.
Osakidetzak 67 lagun artatu ditu azken 10 egunetan, tenperatura altuen ondorioz
Osasun Sailak jakitera eman duenez, 55 pertsona horietatik 37 ospitaleetara nahiz osasun zentroetara eraman behar izan dituzte. Gipuzkoan jazo dira kasu gehienak (40), eta ekainaren 24, 28 eta 29an izan dira beroarekin lotutako intzidentzia kasu kopururik handienak.