Arcelor Olaberriako langile bat hil da, enpresaren aurrean ibilgailu batek harrapatuta
Arcelor Olaberriako (Gipuzkoa) langile bat hil da ibilgailu batek harrapatuta lantegi aurrean, LABek jakinarazi duenez.
Sindikatuak ziurtatu duenez, ezbeharra 21:30 aldera gertatu zen asteartean, ibilgailu batek behargina harrapatu zuenean lanpostutik ateratzean.
Langilea zauri larrien ondorioz hil dela jakin du LABek goizean.
Sindikatu abertzaleak azaldu duenez, dagoeneko aurten sei behargin hil dira lan-istripuan, Euskal Herrian. "Sarraskiak ez du etenik", salatu du.
Istripua "in itinere" bezala hartzea errefusatu du LABek, horiek "ez direlako ikertzen" eta, ondorioz, ez dira zuzentzeko neurriak aplikatzen.
LABek bildutako informazioaren arabera, biktima errepidea gurutzatzen ari zen zebra-bidetik, lanpostutik aparkalekura bidean, lanaldia amaitu ondoren.
Arcelor Olaberriako langileek aparkaleku publikoa erabiltzen dute ibilgailuak uzteko, eta autopista azpian dagoen zebra-pasagunea, "bertatik lanpostura joateko espresuki eraikia", azaldu du LABek.
Zentzu horretan, lan-istripua "in itinere" bezala hartzea "inola ere ez" dutela onartuko ohartarazi du sindikatu abertzaleak, nahiz eta esparru publikoan gertatu. "Egun guztietan errepikatzen duten ibilbidea da, enpresaren berezko aparkalekua izango balitz bezala", defendatu du LABek.
Sindikatuaren hitzetan, Arcelorrek arriskuak "identifikaturik izan behar ditu" eta dagozkion prebentzio neurriak aplikatu, Aldundiarekin eta Udalarekin elkarlanean, lantegi "barruan izango balitz bezala".
"Datuak oso gogorrak dira. Etxera itzultzen ez diren beharginak dira", salatu du LABek. Horregatik, lan-istripuaren aurka protesta egiteko deitzen diren mobilizazioetan parte hartzera deitu du.
Bestalde, aparkalekura joateko edo bertatik etortzeko errepidea gurutzatzea "laneko arriskua" izan beharko litzatekeela uste du ELAk; izan ere, "oso gaizki argiztaturik" dago, "enpresak ere badaki hori".
"Prebentzio neurririk ez zegoela bistakoa da", kritikatu du sindikatu abertzaleak ohar batean. "Egoera larriaren aurrean, prebentzio araudiaren urraketak kontrolatzeko neurriak berehala" martxan jartzea eskatu dio Eusko Jaurlaritzari.
Gainera, "lantokietan antolatu eta urtero 50 behargin baino gehiagoren bizitza aurretik eramaten duen bidegabekeriaren aurka borroka egiteko" deia egin du ELAk.
"Gaitzarekin amaitzeko borondate politikoa eta enpresaburuen behin-betiko konpromisoa bakarrik behar dira, irabazteko gosearen gainetik langileen osasuna eta segurtasuna jarriz", aldarrikatu du.
Zure interesekoa izan daiteke
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bana ireki dute noranzko bakoitzean eta auto-ilarak erabat desegin dira. Hala ere, ezkerreko erreia itxita dago bi noranzkoetan, garbiketa lanak direla eta. Ezbeharra izan duen zisterna-kamioia hurrengo orduetan kenduko dutela espero dute.
Lau pertsona artatu dituzte Gasteizko zabortegi batean izandako sutearen kea arnasteagatik
Sua asteazken honetako 17:00ak aldera piztu da, eta ez dago sugarrak baso-eremura zabaltzeko arriskurik.
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik. Epaitutako hirugarren akusatua ere erruduntzat jo dute, beste biak estaltzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernuak adierazpen instituzionala onartu du, hildako bost agenteen heriotzagatik samina agertzeko
"Herritarrak babesten eta zaintzen aritu diren bost zerbitzari publiko galdu ditugu. Gure aintzatespena, errespetua eta esker ona haientzat, erakutsi duten konpromisoagatik eta zerbitzurako bokazioagatik", dio testuak.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".