Abisu horia, 100 km/h-tik gorako haize-boladengatik
Gaur gaueko 21:00ak geroztik, Hego Euskal Herria abisu horian dago, haize-bolada bortitzak espero baitira. Eusko Jaurlaritzako Segurtasun Sailak jakinarazi duenez, haizeguneetan 100 km/h-ko ufadak izan daitezke. Hala, neurria astearte honetako 15:00ak arte egongo da indarrean. Nafarroan, bestalde, abisua egun osoan luzatuko da.
Euskalmeten arabera, gauean, hego-ekialdeko haize-boladak 100 km/h-tik gorakoak izatea espero da, batez ere Arabako mendi inguruetan, eta Bizkaiko eta Gipuzkoako mendi inguruetan, berriz, 80 km/h-tik gorakoak. Nafarroan boladek 70 km/h-ko abiadura gaindi dezakete.
Asteartean, hego-ekialdeko haize-boladek 100 km/h-ko abiadura gaindituko dute haizeguneetan, batez ere mendi inguruetan. Kostaldean, 80 eta 100 km/h artekoak izango dira, batez ere ekialdean.
Haizeguneak ez diren lekuetan ere abisu horia aktibatuko da asteartean. Kasu horretan, 80 km/h-tik gorako boladak espero dira Gipuzkoan eta Araban; Bizkaian, berriz, 60 eta 80 km/h-koak. Foru Erkidegoan 70 km/h-ko boladak espero dira. Nafarroan, berriz, 70 km/h-koak, gutxi gorabehera.
Zure interesekoa izan daiteke
Aurrez aurre aurkez daitezke erregularizazio eskaerak astelehen honetatik aurrera
Gizarte Segurantzaren hiruburuetako bulegoetan eta 50.000 biztanletik gorako hirien Correoseko bulegoetan jaso ahal izango da aurrez aurreko zerbitzua, aurrez hitzordua eskatuta.
Txumari Alfaro naturopata nafarra hil da
1952an Arguedasen jaioa, telebistako aurpegi ezagun bihurtu zen 90eko hamarkadan, "La Botica de la Abuela" saioari esker. Saio horretan, gaitzak osatzeko etxeko aholkuak ematen zituen. ETBko hainbat magazinetan ere parte hartu zuen.
Honela ospatuko du Realak Kopa bere zaleekin: jai txuri-urdinaren ordutegia eta ibilbidea
Ibilbidea 18:00ak aldera abiatuko da Anoetatik. Hiriko erdigunea zeharkatuko dute, Donostiako udaletxean eta Alderdi Eder inguruko lorategietan 19:00ak aldera amaitu arte.
Gaua luzea izan da realzaleentzat
Donostian, Eibarren, Tolosan... kalean, tabernan, elkartean... Ordu txikietara arte luzatu zen Kopako garaipenaren ospakizuna Gipuzkoa osoan.
Ertzaintzak bi adingabe atxilotu ditu Sestaon, Santurtzin beste adingabe bati arma zuriz eraso egiteagatik
Lehenago, beste bi adingabe ikertu gisa atzeman zituzten, eta ikerketan aurrera egin ostean, ondoko udalerrian bi persona atxilotu dituzte.
Kontxan bainua hartuz ospatu dute Realaren garaipena
Gaua beroa izan da, antza, Donostian, eta Realak Kopa altxatu duela ospatzeko, batzuek bainua hartzea erabaki dute.
Zer eragin izango du trafikoan Kopako garaipenaren ospakizunak?
Donostiako Udalak segurtasun dispositibo berezi bat antolatu du Realak, kopa irabazi ostean, astelehenean jasoko duen harrerarako.
Sevilla abordatu eta gainezka egin du Realaren fan zoneak
Realak Errege Kopako finala jokatu du gaur gauean Atletico Madrilen aurka. Realzaleek pasioz bizi izan dute jardunaldia, Sevillan zein Gipuzkoan eta horren adierazle da han eta hemen altxatu den olatu txuriurdina.
Dozenaka pertsona elkartu dira Zizur Nagusian, irakasle batek emakumeei egindako grabazioen aurka
'Elkarrekin. Beldurrik ez' lelopean, manifestazioan zehar "Erasorik ez, erantzunik gabe" oihukatu dute. 180 urteko kartzela-zigorra ezarri diote irakasleari, eta gehienez 15 urte beteko ditu.
"Gernikako Arbola" abestu dute Urkiolan, kantu hori Euskal Herriko ereserki gisa proposatzeko
Besteak beste, Gontzal Mendibilek eta Jose Maria Esparza editoreak abestu dute, eta partaideak kezkatuta agertu dira Euskal Herriaren kohesio faltagatik. Ildo horretan, "Gernikako Arbola" euskal herritar guztien ereserkia izatea proposatu dute.