Zabalik dago entzierrilloak ikusteko zozketan parte hartzeko epea
Asteazken honetan, hilaren 8an, Iruñeko Udalak ireki egin du epea entzierrilloaren baimenen zozketarako izena emateko. Zozketaren helburua da herritarrek ikusi ahal izatea nola igotzen diren zezenak eta mantsoak Gaseko ukuiluetatik Santo Domingoko ukuiluetara.
Interesa duten herritarrek bi bide dituzte izena emateko: bata da Herritarrentzako Arretaren telefonoari deitzea (010 da; 948 420 100, Iruñetik kanpo deituz gero); bestea, Udalaren web-orriaren bidez egitea. Epea ostiralean amaituko da, hilaren 10ean.
Udalak 175 baimen bikoitz zozkatuko ditu, sanferminetako egun bakoitzeko, uztailaren 6tik 13 bitartean; hortaz, guztira, 350 lagunek ahalko dute ikusi. Zezenak aurreko gauean lekualdatzen dituzte, korrikalaririk gabe, 22:00ak aldera.
Zezenek 440 metro inguru egiten dituzte bi ukuiluen artean. Artzainak atzean joaten dira, ziurtatzeko bidea jarraitzen dutela.
Zozketaren baldintzak
Zozketan parte hartzeko, nahikoa da izatea NANa, Atzerritarraren Identifikazio Zenbakia, pasaportea edo beste herrialde bateko nortasun-agiria. Ez dago adin-mugarik, eta ez da zertan Iruñean erroldatuta egon. Izen-deiturak eman beharko dituzte, eta telefono-zenbaki bat, edo posta elektronikoa; zozketan zorterik izatekotan, hala, Udala harremanetan jarriko litzateke.
Eskatzaile bakoitzak posta elektronikoa edo SMSa jasoko du, inskripzio-kode batekin. Herritar guztiek inskripzio bana egin ahal dute gehienez. Hain zuzen, epea amaituta, eskariak aztertuko dituzte, baieztatzeko bikoiztasunik ez dagoela. Errepikatutako inskripzioak egongo balira, ezabatuko lirateke, bakarra utzita.
Zozketa ekainaren 15ean egingo dute, eta irabazleek SMS edo posta elektronikoa jasoko dute, ekainaren 15etik 17 artean. Baimenak ekainaren 20tik 23 artean jaso ahalko dituzte Civivox Condestablen, 10:00etatik 14:00etara eta 17:00etatik 21:00etara. Jasotzeko epea amaituta hartu gabe dauden baimenak itxaron-zerrendako lagunen artean banatuko dituzte, zozketaren ordenari jarraituz.
Zure interesekoa izan daiteke
Bost hildako eta zauritu bat AP-8an, Elgoibarren, furgoneta baten eta kamioi baten arteko istripuan
Hildakoak furgonetako bidaiariak ziren, Nafarroako foruzainak denak; Iurretan praktikak egitera zihoazen. Kamioi gidaria da zauritutakoa. Errepidea guztiz itxi dute, hasieran, bi norabideetan; geroxeago errei bat zabaldu dute Irunerako noranzkoan, baina arratsaldean zehar kamioia erretiratu arte, beste errepide batzuetatik bideratuko dute trafikoa.
Epaimahaiak errudun jo ditu Lukas Agirre hiltzeaz akusatutako bi gizonak
Hala ere, aringarria ezarri dio akusatu nagusiari drogak kontsumitzeagatik. Bigarren akusatuaren kasuan, erantzukizun penalaren aldaketa bikoitza erabaki du buruko nahasmendu bikoitzagatik eta estupefazienteak kontsumitzeagatik.
Osasun Sailak tenperatura kaltegarrien atalaseak eguneratu ditu: 25,7 gradutik Gipuzkoako kostaldean 36,9 gradura Nafarroako Erriberan
Gehiegizko Tenperaturak Osasunean dituen Eraginak Prebenitzeko Jardueren Plan Nazionala asteazken honetan aurkeztu da, eta irailaren 14ra arte egongo da indarrean.
Honela dago trafikoa AP-8 autobidean, Eibar eta Elgoibar artean, Maltzagako istripuaren ondoren
Errei bat ireki dute Donostiara norabidean, baina zirkulazioa oso zaila da oraindik AP-8an, Eibar eta Elgoibar parean. Bilboko noranzkoan bi erreiak itxita jarraitzen dute, eta istripua izan duen kamioia gauean erretiratuko dute bidetik.
?fmt=webp-alpha&qlt=80)
23 pertsona atxilotu dituzte Iruñerrian, Vito Quilesen ekitaldi baten harira izandako istiluengatik
Espainiako Polizia Nazionalaren operazioak irekita jarraitzen du eta atxiloketa gehiago izan daitezke.
Nafarroako Gobernua Elgoibarko istripu larrian hildako bost lagunen omenezko ekitaldi instituzionala prestatzen ari da
Furgonetan zihoazen bost bidaiariak Nafarroako foruzainak ziren. Imanol Pradales lehendakaria eta Maria Chivite Nafarroako Gobernuko presidentea atsekabeturik agertu dira ezbehar larriaren aurrean.
Asier, Maltzagako istripuaren lekukoa: "Larrialdi zerbitzuak oso azkar mobilizatu dira"
Radio Euskadin azaldu duenez, ez du istripuaren unea ikusi, baina bai berehalako ondorioak. Gertatutakoa azaldu du: kamioi bat galtzada batetik bestera igaro da, eta erdibitzailean geratu da, iraulita; istripuaren ondorioz, furgonetak kalte larriak izan ditu.
Elgoibarko istripuan hildako bost bidaiariak foruzainak ziren
Foruzainak Iurretara zihoazen, Ertzaintzarekin formakuntza ikastaro bat egitera.
Hamar urteren ostean, Eibarren zezen-ikuskizunak atzera programatzea gaitzetsi du Haiekin elkarte animalistak
Elkartearen iritziz "atzerapauso handia" da, herriko San Joan jaietan hiru sokamutur saio programatzea, eta ohartarazi duenez "2016an PSE-EEk berak hartutako konpromiso ofizialen kontra doa".
Irungo isuri gutxiko eremua 2028ko udaberrian sartuko da indarrean
Irungo udalbatzak, osoko bilkuran, 30 salbuespen aurreikusten dituen ordenantzari hasierako onespena eman dio. Orain alegazioak aurkezteko epea zabaldu da, eta behin betiko testua aurtengo azken hiruhilekoan onartuko da.