"Beti bezala" kartelak iragarriko ditu San Fermin jaiak
Olaia Merino Sarrigurengo bizilagunaren "Beti bezala" kartelak iragarriko ditu 2022ko sanferminak, herri bozketan botoen % 20 jaso ostean. Kolore zuri-gorriak nagusi dituen ilustrazioan, Iruñeko kaleetan biltzen den jendetza islatu nahi izan du egileak. "Kartelean ez dago zezenik, niretzat San Ferminak jendartea da", nabarmendu du.
1.603 pertsonak eman dute irudi honen aldeko botoa. Bigarren bozkatuenak baino 219 boto gehiago jaso ditu, eta San Fermin jaietako jendetza erakusten duten irudi modernistek osatzen dute kartela.
Herritarren botoak zenbatuta, eta bidean ustez gertatu den iruzurra gaindituta, Enrique Maya Iruñeko alkateak eta Maria Garcia-Barberena Kultura eta Berdintasun zinegotziak astelehen honetan jakinarazi dute zein kartel hautatu duten herritarrek aurtengo San Fermin festak iragartzeko. Aurkezpenean, kartelaren egilea bera ere izan dute lagun.
Arte Ederrak Leioan ikasitako iruindarra, diseinatzailea eta sortzaile digitala pozik eta harro agertu da eta jakinarazi du lehen aldiz parte hartu duela lehiaketan. Lanean sanferminetako ohiko pasarteak ikus daitezke, alegia, jendea dantzan eta alai, ongi pasatzen.
Iruñeko alkateak, berriz, lehiaketak izan duen arrakasta nabarmendu du; izan ere, aurten inoiz baino boto gehiago jaso dituzte egunero. "Horren arrazoi nagusia, ziur asko, jendea sanfermin gogoz dagoela da", adierazi du. Halaber, kartelen maila "oso altua" izan dela esan du. Zinegotziak, bestalde, bozketan zehar sortutako irregulartasunak izan ditu hizpide. "Salaketak aurrera jarraitzen du. Ikertzen ari dira", adierazi du.
Sanferminak iragartzeko kartelaren aurkezpena maiatzaren 5erako aurreikusita zegoen, baina bertan behera geratu zen; izan ere, ANIMSA enpresa publikoak, udalaren webgunea mantentzeaz arduratzen denak, ezohiko boto kopuru bat antzeman zuen kartel baten alde, ordu-tarte jakin batzuetan. Behin Iruñeko Udaltzaingoak iruzur zantzuak baieztatuta, Udalak boto irregularrak ezabatu zituen eta bozketari ekin zitzaion berriro.
Aurtengo kartel irabazlea epaimahaiak aukeratutako 10 finalisten artean aukeratu dute Iruñean erroldatutako pertsonek.
Zure interesekoa izan daiteke
Zangozan desagertutako 84 urteko emakume baten gorpua aurkitu dute
Bilaketa hasi eta gutxira, 20:00ak aldera, desagertutako 84 urteko emakumearen gorpua aurkitu dute. Heriotzaren arrazoia argitzeko ikerketa abiatu du Foruzaingoak. Vadoluengoko San Adrian elizaren inguruan topatu dute haren gorpua.
Elkarbizitza arazoak bainularien eta erabiltzaileen artean Euskal Herriko portuetan
Uretara salto egitea ohikoa da Euskal Herriko portuetan, debekatuta dagoen arren. Hori dela eta, bizikidetza-arazoak sortzen ari dira. Zenbait portutan jokabide arriskutsuak ikusten dira eta kalteak izan dira ontzietan. Eusko Jaurlaritzak egoeraren larritasunaz ohartarazi du, eta 2.000 eta 12.000 euro arteko isunak ezar daitezkeela gogoratu du.
Euri eskasiak hilabete eta erdi aurreratu du transhumantzia Nafarroan
Pirinioetatik Bardearako bidean, Enrique Ballent artzain transhumantearekin izan gara. 1.800 buruko artaldea gidatuko du, bazka bila. Izan ere, klima aldaketaren kontraesanak tarteko, jateko gehiago dago basamortuan goi mendietan baino.
Oiartzunen ustez pistolarekin egindako hiru lapurreten egilea atxilotu dute Hondarribian
23 urteko gaztea espetxeratu egin dute. Lapurretetan erabilitako arma fogeo-pistola bat zela egiaztatu dute.
Gizon bat atxilotu dute Getxon, kalean emakume bati sexu erasoa egiten harrapatu ostean
Erasoa 05:00etan jazo da, Algorta auzoan, San Inazio jaietan. 19 urteko biktima Gurutzetako Ospitalera eraman dute. Algortako Mugimendu Feministak eraso matxista salatzeko bilkura egin du igande arratsaldean.
Auroroek Andre Maria Zuriaren jaien etorrera iragarri dute
Urtero bezala, Gasteizko hirigunea eta Alde Zaharra zeharkatu dituzte zaindariaren omenezko kantuekin, jai-giroari hasiera emanez.
Testigantza berriek agerian utzi dituzte Mitikako zaindariek Kerman Villate hil aurretik behin eta berriz egindako erasoak
Gasteizko diskoteka horretako segurtasun-langileek Kerman hil aurreko hilabeteetan egindako eraso jakin batzuen berri eman dute lau gaztek Radio Euskadin, esklusiban, erreportaje batean. Kasu guztiak Ertzaintzaren aurrean salatu zituzten.
Bizkaiko Aldundiak zisterna kamioiak eramango ditu Karrantzara ur hornidura bermatzeko
Astelehenetik ostiralera, 250 metro kubiko garraiatuko ditu egunero foru erakundeak Enkarterriko udalerriko hornidura bermatzen laguntzeko.
17 urteko gizonezko bat atxilotu dute Gipuzkoan, adingabeak estortsionatzen zituen 764 Sarearen Espainiako buruzagitzat jota
Ertzaintzak, Esquadra Mossoek eta Guardia Zibilak elkarlanean egindako operazioan atxilotu dute, 2026ko urtarrila eta apirila bitartean ikastetxeen, udalen eta beste erakunde batzuen aurkako mehatxu ugari bidali izana egotzita.
Ikuskizunetako teknikariek abuztuaren 5erako deitutako grebarekin bat egingo dute Gasteizko txosnek
45 ikuskizun izango dira txosnetan, eta, horrez gain, beste hamaika proposamen kolektibo ezberdinen eskutik. Dozenaka kolektibok eta ehunka boluntariok dihardute egunotan auzolanean txosna gunea egokitzen. Testuinguru horretan, ikuskizunetako eta ekitaldietako teknikariek abuztuaren 5erako deitutako greba egunarekin bat egingo dute.