Trafikoaren arazoari konponbidea emateko lan egin dezatela eskatu die Irunek erakundeei
Irungo Udaleko taldeek adierazpen instituzional bat onartu dute, eta, horretan, erakunde eskudunei eskatu diete hirian bizi den egoera "jasangaitzari" aurre egiteko irtenbide bat emateko, 10 egun baino gehiago 10 kilometroko auto-ilarak jasaten eman ondoren.
Testuan, alderdiek adierazi dute abuztua hilabete zaila dela urtero muga horretan, baina orain arte auto-ilarak izan badira ere oporretako irteera- eta itzulera-egunetan, azken egunotan autobidean eta hirian bertan gertatutakoa "jasanezina" dela deitoratu dute.
Hala, gogorarazi dute Irunek 10 egun baino gehiago daramatzala autobidean "auto-ilara luzeak" jasaten, eta, ondorioz, hiriaren "zirkulazio-kolapsoa" ematen ari dela.
"Nahiz eta AP-8 autobideko ilara kilometrikoak eguerdian hasten diren garraio astunaren ondorioz, dena larriagotu egiten da Biriatuko ordainlekura ibilgailu partikularrak iristen direnean", adierazi dute, eta zehaztu dute horiek direla mugako beste igarobide batzuetara desbideratzea erabakitzen dutenak, hala nola Behobiako eta Santiago Zubietara.
Kontrolak
Irungo Udalak deitoratu du Frantziako Jendarmeriak ematen duen "laguntza eskasak" egoera zaildu egiten duela, kontrolak eginez, eta kontrol horiek "dagoen zirkulazio kaosa larriagotzea" lortzen dutela. "Beren lanpostuetatik itzultzen diren herritarrak ilara luze eta aspergarrietan harrapatuta geratzen dira, eta bi ordu ere behar izaten dituzte baldintza normaletan minutuak irauten dituzten ibilbideak egiteko", azpimarratu du.
Herritarren "ezinegona eta etsipena" partekatzen dutela adierazi ondoren, udal taldeek eskatu dute eskumena duten erakundeek "lan egin dezatela Irun pairatzen ari den arazoa konpontzeko".
Horregatik guztiagatik, Udalak Gipuzkoako Foru Aldundiari eskatu dio Bidegi eta ASF enpresa kudeatzaileen arteko akordioa betearazteko, Irunen eta Biriatun bidesariak ez kobratzeko auto-ilara handiak daudenean, eta Eusko Jaurlaritzari kontrola indartzeko eta trafikoaren egoerari buruzko informazioa hobetzeko.
Era berean, Irungo Udalak konpromisoa hartu du foru-eskumeneko errepideetako trafiko-kontrolaren arloan Ertzaintzarekin dagoen lankidetza indartzeko, eta Frantziako agintariek Santiagoko Zubian zein Behobian egiten dituzten kontrol selektiboak salatu ditu. Horregatik, Espainiako Gobernuari exijitu dio eska diezaiola frantziarrari mugako kontrolak kentzeko.
Zure interesekoa izan daiteke
Gabonetako azokak, bogan: zergatik dute horrenbeste arrakasta?
Gabonetako merkatuak ugaldu egin dira eta tokiko testuingurura egokitu dira. Nola azaltzen da boom hori eta zer esaten digu Gabonetako tradizioen eta erritualen eraldaketari buruz? Hainbat aditu eta profesionalekin hitz egin dugu eta jendearen iritzia jaso dugu.
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.