Lanbide Heziketako VI. Euskal Planak prestakuntza humanistan egiten du azpimarra
Lanbide Heziketako VI. Euskal Plana onartu dute gaur goizean, Hezkuntza Sailak Lanbide Heziketaren arloan datozen 3 urteetan gauzatuko diren politikak zehazten dituena. Plan berriak gizakia ardatz hartuko duen prestakuntza humanistan azpimarra egiten du, digitalizazioak eta adimen artifizialak "potentzial ikaragarria" duten testuinguruan.
Egitasmoak 15 esku-hartze arlo, 55 jarduera-ildo eta 297 ekintza zehatz biltzen ditu eta horiek gauzatzeko 513 milioi euro baino gehiagoko inbertsioa aurreikusten du datozen 3 urteetarako.
Jokin Bildarratz Eusko Jaurlaritzako Hezkuntza sailburuak eskerrak eman dizkie Lanbide Heziketako VI. Euskal Plana adosteko lan egin duten erakunde eta organismo guztiei. Lanbide Heziketak dituen aukeren eta erronken inguruan hitz egiterakoan, eraldaketa testuingurua, iraultza teknologia, eredu ekonomikoaren eta sozialaren aldaketa eta digitalizazioan eta sistema adimendunetan oinarritutako eredua aipatu ditu.
Bildarratzen iritziz, Lanbide Heziketak pertsonak prestatzeko eta horiei laguntzeko erronka du aurretik "eraldaketa horretara egokitu daitezen eta errealitate berriak eskatzen dituen gaitasunak gara ditzaten". Ildo horretan, gizakia ardatz hartuko duen prestakuntza humanista nabarmendu du Hezkuntza sailburuak. "Robot batek, adimen artifizialeko sistema aditu batek edo automatismo batek prozesu jakin batean pertsona bat ordezkatzen duen bakoitzean, teknologiaren eta gizateriaren arteko harremanen agertoki berri bat sortzen da, eta hor pertsonen talentuak garrantzi handiagoa izango du", gaineratu du.
Hori guztia dela eta, beharrezko ikusten du Lanbide Heziketako ikastetxeak eraldatzea. Bildarratzek azaldu duenez, "ikastetxe mota berri bat behar da, begirada etorkizunean jarria izango duena, antolatua eta erakunde adimendun gisa kudeatua, jarduteko eta lan egiteko beste modu batekin, ezagutza sortuz eta partekatuz eta lankidetza-sareetan parte hartuz arituko dena, giza garapen iraunkorrerantz aurrera egiteko helburu lehenetsita".
Albiste gehiago gizartea
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioak Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.