EAEko Lanbide Heziketako plan berriak enplegu osoa du helburu, DUAL ereduaren bitartez
Jokin Bildarratz Hezkuntza sailburuak Lanbide Heziketako VI. Euskal Plana aurkeztu du, beste urrats bat emateko eta ikasle guztiak DUAL sistemara eramateko helburuarekin, enpresekin lankidetzan.
Ikasturte honetan, 46.671 ikasle ari dira LHn trebatzen. Ia heren batek DUAL ereduan ikasten du, enpresekin lankidetza estuan eta, horrela, haien enplegagarritasuna handituz. Eusko Jaurlaritzaren helburua da datorren urtean erdia izatea, eta 2025-26 ikasturtean % 70era iristea.
Horretarako, Lanbide Heziketarekin lan egiten duten enpresak iazko ikasturtearen bikoitza baino gehiago dira.
Lanbide Heziketa.
Eredu hori enplegagarritasunaren gakoetako bat da. Gaur egun, batez beste, % 85ekoa da.
Sailburuaren hitzetan, "euskal Lanbide Heziketa aurrera doa erabateko enplegagarritasunerantz, eta VI. Planak horretan sakonduko du, apustu irmoa eginaz pertsonen ezagueraren, sorkuntzaren eta talentuaren alde, bilatzen dugun teknologia-bilakaerarako oinarri gisa. Aurrera egitea, sistema adimendunen gizarte jasangarria bilaka gaitezen eta Lanbide Heziketari dagokionez nazioartean erreferentzia izaten jarraitzea da helburua".
Lanbide Heziketa.
Plan berriaren erronkak
EAEko Lanbide Heziketaren helburu nagusia etorkizun hurbilean enplegu osoa lortzea da. Horretarako, 2025-26 ikasturtetik aurrera ikasle guztiak DUAL ereduan trebatuko dira. Gainera, 2028-29 ikasturterako, ikasle kopurua 55.000ra igotzea dute helburu.
Era berean, EAEko LHk euskarazko irakaskuntzan aurrera egin nahi du Jaurlaritzak. Ikasturte honetan, erdia B edo D ereduan egiten da, eta datorren ikasturterako % 60 izango da, kalkuluen arabera.
Jaurlaritzaren arabera, plan berriak egungo lanpostu askoren eraldaketari erantzun nahi dio, baita sortuko diren lanpostu berriei ere, eta, beraz, zentroetako eraldaketa digitalari heltzen dio.
Lanbide Heziketa.
Emakumeak Lanbide Heziketan
Oraindik ez da erabateko berdintasunik lortu eremu horretan. Emakumeak LHko ikasleen herena dira, eta gehien-gehienak zientzian aritzen dira; zehazkiago, osasunean. Industriara bideratutako prestakuntzan % 12 baino ez dira.
Lanbide Heziketa.
Zure interesekoa izan daiteke
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.
Mugikorreko NANa, indarrean: Zertarako balio du eta zertarako ez?
MiDNI aplikazioari esker, dagoeneko aurrez aurre identifika zaitezke telefonoarekin. Hala ere, ez du dokumentu fisikoa ordezkatuko kasu guztietan, nazioarteko bidaietan edo zenbait gestio egiterakoan adibidez.
Bederatzi urteko mutiko bilbotar bat hil da Medina de Pomarren izandako auto-istripu batean
Sei urteko beste adingabe bat eta bi heldu larri zauritu dira istripuan, Gaztela eta Leongo Gobernuko larrialdietarako zerbitzuak jakitera eman duenez. Horietako bi Gurutzetako Unibertsitate Ospitalera eraman dituzte.
Ekainek eta bere familiak uste dute "oso eskasa" dela erasotzaileei ezarritako bi urteko espetxe-zigorra
Silvia Gomezek, 2021eko ekainaren 6ko goizaldean Basaurin eraso bortitza jasan zuen Ekain Perrinoren amak, uste du erasotzaileen aurkako epaia "ez dela nahikoa", eta ez dute baztertzen helegitea aurkeztea. Justiziak bi urteko kartzela-zigorra ezarri die 11 akusatuetako 10i.
Poliziak lehergailurik ez zuen maleta bat detonatu du Nafarroako Justizia Jauregian
Eztanda egitean, ikusi dute ez zela objektu arriskutsua, eta normaltasuna berreskuratu da inguruan. Ez dakite nola iritsi den objektua bertara.
Petrolio-konpainiek egunean 81 milioi euro gehiago irabazten dituzte Europar Batasunean gerra hasi zenetik, Greenpeaceren arabera
GKEak eskatu du konpainia horien aparteko irabazien gainean zergak ezartzeko, trantsizio energetikoa finantzatzeko eta kutsatzaile handiak zergapetzeko.
Ekain Perrinoren erasotzaile ia guztiei 2 urteko kartzela zigorra ezarri diete, gorroto-delituagatik
Eraso homofoboaren hamaika egileetatik hamarri 2 urteko espetxe-zigorra ezarri diete, eta hamaikagarrenari, 14 hilabetekoa. Denei 500 metroko urruntze agindua eta isunak ere ezarri dizkiete. Ekain Perrinori eraso bortitza egin zioten, 2021eko ekainean, Basaurin.
Lehengai gisa pipa-azalak erabiliz, bateria kargagarriak lortu dituzte EHUko ikertzaileek
Unibertsitateak jakinarazi duenez, ikerketak egiaztatu du biomasako materialekin egindako bateriek energia nahikoa biltegiratzeaz gain, karga eta deskargako 1.000 ziklo egin ditzakete. Aurkikuntzak aukera ekologikoagoak eskaintzen ditu "garestiagoak eta kutsagarriagoak" diren bateria tradizionalen aurrean.