Italiak ez dio 'Aita Mari' erreskate ontziari igande goizera arte porturatzen utziko
Italiako agintariek ez diote Aita Mari euskal erreskate ontziari igande goizera arte porturatzen utziko. Gainera, erreskatea egin eta Salernoko portua eman diete, beste batzuk askoz hurbilago egon arren. Egun eta erdiko bidaia ahalik eta azkarren egitea zen beraien asmoa, baina Italiatik mantsoago joateko esan diete, ezingo baitute igandera arte porturatu. Beraz, erreskatatutako 172 pertsonekin hiru egun baino gehiago eman beharko dituzte itsasoan.
Itsas Salbamendu Humanitarioa (SMH) gobernuz kanpoko erakundearen Aita Mari erreskate ontziak 294 pertsonaren erreskatean parte hartu du Mediterraneoan, ResQship gobernuz kanpoko erakundeko Nadir itsasontziarekin eta Italiako kostazainekin batera. Itsas Salbamendu Humanitarioak (SMH) ohar bidez jakinarazi duenez, Salernoko portuan lehorreratuko dituzten 294 pertsona horietatik 172 Aita Mari ontzian doaz.
Oharraren arabera, Sea Watch gobernuz kanpoko erakundearen hegazkin batek zazpi txalupa prekario ikusi ditu Mediterraneoko uretan, Lampedusa uhartetik hego-mendebaldera. Maltako eta Italiako koordinazio zentroei berehala jakinarazi diete, baina Maltako agintariek ez dute erantzun eta Italiak hasieran uko egin dio esku hartzeari.
Azkenik, ordea, Italiako kostazainak bertaratu dira, eta operazioan parte hartu dute Aita Marirekin eta Nadir ontziarekin batera.
Guztira, 294 pertsona erreskatatu dituzte: 81 gizon, 15 emakume, bakarrik dauden 55 adingabe, 3 eta 10 urte bitarteko lau haur eta 0 eta 2 urte bitarteko bi haur. Saharaz hegoaldeko pertsonak dira (Ginea, Burkina Faso, Mali, Senegal eta Gambiakoak, batez ere) eta, itxura guztien arabera, Tunisiatik abiatu ziren.
Aita Mari erreskate ontzia larunbatean itsasoratu zen Castello probintziako Burrianako portutik, eta hamargarren misioa du honakoa, 2023ko bigarrena.
Aurten, 58.171 pertsona migratzaile iritsi dira Italiako kostaldera, Barne Ministerioaren erregistroen arabera, iazko epe berean iritsi zirenen bikoitza baino gehiago, eta gutxienez 26.924 hil edo desagertu dira Mediterraneoan 2014tik, mundu osoan erregistratutako 56.000 biktimen ia erdiak, Migrazioetarako Nazioarteko Erakundearen datuen arabera.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.