Abian da Bilboko TAO zerbitzu berria
Bilboko TAO zerbitzu berria astelehen honetan jarri da martxan, 09:00etan, bost egunez zerbitzua etenda egon ondotik. Arazoekin ekin dio, ordea; izan ere, Android sistemaren erabiltzaileek ezin izan dute aplikazioaren bidez ordaindu, eta parkimetroetara itzuli behar izan dute aparkatu ahal izateko.
Udaletik azaldu dutenez, akatsak goizean zehar konpontzea espero dute, ordu zehatz bat zehaztu ez duten arren. Appleren erabiltzaileek, berriz, normaltasunez ordaindu ahal izan dute APParen bidez.
Juan Maria Aburto Bilboko alkateak onartu du "arazo teknikoren bat" izan dela eta konpontze lanetan daudela, baina, oro har, esan du zerbitzu berria "ondo funtzionatzen" ari dela. Gaineratu duenez, OTA zerbitzua erdigunera zabaltzeak "ez du dirua biltzeko helbururik", baizik eta "hiri jasangarriago bat egitea".
Zerbitzu berriaren aplikazioan ez ezik, Bizkaiko hiriburuko hainbat parkimetrotan ere akatsak izan dira; izan ere, batzuek normaltasunez funtzionatu duten arren, beste batzuek ez zuten aukerarik ematen matrikula sartzeko.
TAO zerbitzu berriak aldaketak dakartza hiriburura. Gaur egun, aparkatzeko eremua 16 gunetan banatuta dago. Ordenantza berriarekin, egoiliarren bereizgarriak esleitzeko, espazioa koadrantetan banatuko da, eta koadrante bakoitzari eremu bat egokitu zaio. Koadranteko bizilagunek eremu horretan aparkatu ahal izango dute.
TAO zerbitzua bi eremu handitan egongo da indarrean: bizitegi eremuan eta eremu intentsiboan (Abando eta Indautxu).
TAO zerbitzua bisitarientzat
Eremu intentsiboa: Bilboko erdigunea. Ordutegia: astelehenetik ostiralera, 09:00etatik 20:00etara; larunbatetan, 09:00etatik 14:00etara. Gehienez 3 orduz aparka daiteke, bai gune berdean, eta baita urdinean ere.
Bizitegi eremua: Bilboko erdigunetik kanpo. Ordutegia: astelehenetik ostiralera, 09:00etatik 13:30era eta 15:00etatik 19:00era; larunbatetan ez da zerbitzurik egongo. Gehienez 5 orduz aparka daiteke gune berdean, eta 3 orduz urdinean.
TAO zerbitzua egoiliarrentzat
Gune berdea: Egoiliarrek ez dute txartelik behar, eta nahi beste denbora izan dezakete bertan ibilgailua aparkatuta.
Gune urdina: Bisita txartela behar da, eta ordaindu egin behar da.
Gune urdin intentsiboa: Ordutegia: astelehenetik ostiralera, 10:00etatik 19:00etara.
Gune urdina, bizitegi eremuan: Ordutegia: astelehenetik ostiralera, 10:00etatik 13:30era eta 15:00etatik 18:00etara.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.