Eguraldi aldaketa arratsaldean: euria, haizea eta tenperaturak behera
Gaur goizeko eguraldi onaren ostean, asteburu euritsua izango dugu, jaitsiera termikoa eta haize bizia kostaldean, Euskalmet Euskal Meteorologia Agentziak egindako iragarpenaren arabera.
Ostiralaren lehenengo partean giroa lasaia izango da. Goizean hodeiak eta ostarteak izango dira eta ez du euririk egingo. Arratsaldean hodeiak gailenduz joango zaizkie ostarteei eta euritara joko du. Arratsalde-gau partean zaparrada batzuk botako ditu han-hemenka, eta ekaitzak jo dezake. Hego-haizea ibiliko da eta tenperatura maximoek gora egingo dute nabarmen; 20 ºC-tik gorakoak izango dira. Egunaren amaieran mendebaldeko kostaldean haizea mendebaldera aldatuko da, bolada oso gogor batzuekin.
Larunbataren lehenengo partean zerua estalita egongo da eta zaparradak sarri botako ditu; zenbait lekutan mardulak izan daitezke. Mendebaldeko haizea bizi ibiliko da orduan. Egunaren erdiko orduetan haizea hego-mendebaldera aldatuko da eta gainerako orduetan zaparradak noizbehinkakoak izango dira eta txikiak orokorrean. Egunaren amaieran ostarteak zabal daitezke. Elur-kota 1200 eta 1500 metro artean kokatuko da. Tenperatura nabarmen jaitsiko da eta giroak udazkeneko itxura hartuko du.
Zerua oso hodeitsu egongo da igandean. Zaparrada txikiak botako ditu, Kantauri isurialdeko zenbait lekutan ertainak. Baliteke trumoi ekaitzak izatea, bereziki egunaren lehen partean. Egunaren lehen partean elur-kota 1.200-1.500 m inguruan kotatuko da. Hegomendebaldeko haize bizia ibiliko da, bolada gogor batzuekin; goizean ipar-mendebaldera aldatuko da, bolada gogorrekin egunaren bigarren partean kostaldean. Tenperatura minimoetan aldaketarik ez, eta maximoak gutxi jaitsiko dira.
Astelehenean, zerua hodeitsu egongo da. Prezipitazio txikia egingo du. Ipar-osagaiko haize ahul-bizia ibiliko da. Tenperatura igo egingo da: minimoak gutxi eta maximoak gora nabarmen.
Albiste gehiago gizartea
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuek udalerri hauei eragiten diete: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Izarbeibarren piztutako baso-sutea egonkortu dute
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak dagoeneko berriz zabaldu dituzte. Nafarroak nekazaritza jarduera jakin batzuk debekatu ditu aldi baterako, suteak prebenitzeko.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.
Giro bikaina Gasteizen goizean goizetik Andre Maria Zuriaren egun handian
Abuztuaren 5a, Gasteizko jaietako egun handia, adin eta gustu guztietarako jardueraz beteta dator. Goizeko lehen orduan, adibidez, Andre Maria Zuriari Lore eta Ohorezko Aurreskua egin diote blusa eta nesken kuadrillek.
Euskadi, errendimendu akademiko handiena dagoen eta kalitatezko enplegu gehien lortzen den erkidegoen artean
Euskal Autonomia Erkidegoko ikasleak unibertsitatera sartzeko aukera gehien dituztenetakoak dira Estatu mailan. Izan ere, hamasei urtetik gorako biztanleen erdiak eta biztanleria aktiboaren ia bi herenek unibertsitate-ikasketak dituzte.
Andre Maria Zuriaren eguna jai-jarduerez beteta dator
Kontsulta ezazu Gasteizko jaietako egun handiaren egitarau osoa, hemen.