Pentsamendu suizidak berretsi ditu EBk, finasteridaren bigarren mailako ondorio gisa
Europar Batasunean azterketa sakona egin ondoren, Europako Medikamentu Agentziaren Farmakozaintzako Arriskuak Ebaluatzeko Batzordeak ondorioztatu du pentsamendu suizidak finasteridaren bigarren mailako ondoriotzat hartu behar direla 1 miligramoko aurkezpenean. Medikamentu hori normalean gizonezkoei ilea ez erortzeko ematen zaie. Erabaki hori saiakuntza klinikoetako datuen, txostenen eta ikerketa zientifikoen ebaluazioan oinarritzen da.
Jakinarazitako idea suizida kasu gehienak alopezia androgenetikoa tratatzeko finasterida erabiltzen duten pazienteekin erlazionatzen dira. Kontrako efektu horren maiztasun zehatza oraindik ezarri ez bada ere, Europako Medikamentu Agentziak erabaki du produktuaren informazioan ohar espezifikoak sartzea eta 1 miligramoko finasterida-ontziei ohartarazpen txartel bat gehitzea, pazienteei arrisku potentzialen berri emateko.
Eragin psikiatrikoez gain, finasterida disfuntzio sexualekin ere lotzen da, hala nola desira sexualaren gutxitzearekin eta zutitzearen disfuntzioarekin. Efektu horiek umore-aldaketak eragin ditzakete, eta kontu handiz kontrolatu behar dira. Sintoma horiek dituzten pazienteek medikuari galdetu behar diote, tratamendua eteteko erabakia aztertzeko.
Prostatako hiperplasia onbera tratatzeko erabiltzen den beste botika bat den dutasteridari dagokionez, Farmakozaintzako Arriskuak Ebaluatzeko Batzordeak ez du idea suizidekin lotura ezartzeko ebidentzia nahikorik aurkitu. Hala ere, badaezpadako neurri gisa, produktuaren informazioa eguneratu egingo dute, umore-aldaketa posibleei buruzko ohartarazpenak sartzeko.
Europako Medikamentu Agentziaren arabera, arrisku horiek egon arren, finasteridaren eta dutasteridaren onura terapeutikoek onartutako erabileretan izan ditzaketen ondorio kaltegarriak gainditzen dituzte. Hala ere, osasungintzako profesionalei eskatzen zaie arrisku horiei buruzko informazio egokia eman diezaietela pazienteei, eta tratamenduan zehar erlazionatutako edozein sintoma monitoriza dezatela.
Albiste gehiago gizartea
Hiru urteko kartzela zigorra ezarri diote entrenatzaile bati Barakaldon, hiru adingaberi sexu erasoak egiteagatik
Pauldarrak futbol taldean 20 urte zeramatzan gizonari zera egotzi diote: adingabeei sexu-erasoa egitea, exhibizionismoa eta osotasun moralaren aurkako delitua.
Barakaldon entrenatzaile baten sexu-erasoak jasan dituzten nesken abokatua: "Pozik gaude epaiarekin, ez dugu helegiterik aurkeztuko"
Bizkaiko Auzitegiak hiru urteko kartzela-zigorra ezarri dio Barakaldoko Pauldarrak futbol taldeko entrenatzaile bati, 14 eta 15 urte bitarteko lau jokalariri sexu-erasoa egiteagatik. Juan Carlos Soto salaketa jarri duten familien abokatuak azpimarratu duenez, "beste frogarik ez egon arren, epaileak sinesgarritasuna eman die adingabeen testigantzei".
Iruindarren % 52 ados daude zezenketekin, eta % 46, kontra
Zezenketak nahi dituztenen artean, % 31 erabat ados daude, eta % 20,6 ados. Ezezkoen artean, berriz, % 26,3 ez daude batere ados, eta % 19,3 ez daude ados. Herritarren % 2k ez dute gai horri buruzko iritzirik eman nahi izan.
Nobel satirikoek alkoholari buruzko ikerketa bat goraipatu dute hizkuntzak ikasteko duen paperagatik
Herbehereetako, Erresuma Batuko eta Alemaniako zientzialariek Bakearen Ig Nobel saria eskuratu dute, alkohol dosi txiki batek batzuetan atzerriko hizkuntza bat hitz egiteko gaitasuna hobetzen duela ondorioztatu duen ikerketagatik; dirudienez, alkoholak norberarengan konfiantza handitzen du.
Osakidetzak urrian hasiko ditu Basurtuko ospitaleko kanpo-kontsulten eraikin berriaren obrak
Eusko Jaurlaritzako Osasun Sailak 135 milioi euroko inbertsioa egin du 38.000 metro koadroko azalera izango duen azpiegitura berri horretan. Guztira, 175 kontsulta berri zabalduko dituzte, bi bloketan banatuta. Obra hiru urte barru amaituko dute.
9.900 eurorainoko isunak zazpi akusaturentzat, Aroztegia proiektuaren aurkako hertsapenagatik
Magistratuak akusazioek egotzitako talde kriminaleko delitutik absolbitu ditu auzipetuak; izan ere, “lekukoen eta agirien froga ugari” aztertu ondoren, ezin da egiaztatu talde kriminaleko deliturik dagoenik, horretarako “ezinbestekoa” baita adostasuna.
Egokitutako menuek betiko eraldatu dituzte eskoletako jangelak
Gero eta ohikoagoa da eskola-jantokietan ikasleek dieta bereziak behar izatea, erlijio-arrazoiengatik, intolerantziengatik, elikagai jakin batzuekiko alergiengatik eta bestelako osasun-arazoengatik. Gaur gaurkoz, EAEko ikastetxeetako jangeletan banatzen diren 8 menutatik 1 egokitutakoa da.
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.