90 urteko emakume bat hil da Gasteizen, oinezkoen pasabide batean auto batek harrapatuta

90 urteko emakume bat hil da semaforo-erregulaziorik gabeko oinezkoen pasabide batean harrapatuta, atzo Gasteizen.

Hiriko udaltzainek heriotza baieztatu dute eta argiketa talde bat ezbehar horren nondik norakoak ikertzen ari dela azaldu dute.

Harrapaketa asteartean gertatu zen, 16:00etan, semafororik gabeko oinezkoentzako pasabide batean, Nafarroako Errege-erreginen kalean, 2 eta 4 zenbakien parean.

Emakumea ibilgailuaren azpian geratu zen harrapatuta, eta suhiltzaileek bertatik atera behar izan zuten zauri oso larriekin, hainbat haustura eta buruan kolpe handia zituela.

79 urteko gidaria ikertzen ari dira, bide segurtasunaren aurkako ustezko delitu batengatik.