Emakume baten gorpua aurkitu dute Gasteizko landa-eremu batean
Eusko Jaurlaritzako Segurtasun Sailak baieztatu duenez, baliteke gorpua joan den maiatzetik agertu barik egon den emakume batena izatea.
Emakume baten gorpua aurkitu zuen atzo nekazari batek Gasteizko Uskerra-Lasarte landa-eremuan, eta lehen ikerketen arabera, baliteke maiatzaren amaieratik agertu barik egon den emakume batena izatea. Hilotzaren ezaugarriak bat datoz desagertutako emakumearenekin.
Abisua jaso ondoren, bertaratu ziren ertzainek eta larrialdi-zerbitzuetako langileek baieztatu zuten emakume baten gorpua zela.
Ertzaintzak ikerketa zabaldu du, gertatutakoa argitzeko. Auzitegi Medikuntzako Euskal Institutuaren esku utzi dute gorpua, autopsia egiteko.
Maiatzean desagertutako emakumeak 72 zituen, eta alzheimer gaixotasuna zuen.
Gizarteari buruzko albiste gehiago
Motor bateko bi bidaiariak zauritu dira Valtierran, auto baten kontra talka eginda
Zaurituak 62 urteko gizon bat eta 28 urteko emakume bat dira. Biak ospitalera eraman dituzte.
Bi bikote-lagun atxilotu dituzte Gasteizen, elkarri eraso egitea leporatuta
Udaltzaingoak ageriko zauriekin aurkitu zituen atxilotutako gizona eta emakumea.
Euskal diaspora, Mikel Reparazen erreportaje sortaren bidez
Aste honetan zehar, ETBri esker, diaspora bertatik bertara ezagutuko dugu, erreportaje berezi batzuen bitartez, Mikel Reparazen eskutik.
380 ekitalditik gora, Donostiako Aste Nagusiaz gozatzeko
Uliako Mintegien parkean Dantz Point jaialdia egingo dute, eta, gainera, castellersak izango dira Alderdi Ederren, hilaren 15ean. Su artifizialek 60 urte betetzen dituztela ospatzeko, parte-hartzaile guztiak aurreko urteetan saritutako pirotekniak izango dira.
Euskal kulturaren agertoki bihurtuko da berriro Boise, Jaialdia itzuli da eta
Egitarau bete-betearekin dator bueltan Boiseko Jaialdiaren zortzigarren edizioa, eta uztailaren 29tik abuztuaren 3ra euskal musikak, gastronomiak, dantzak eta herri kirolek hartuko dute hiria.
Uribarri Ganboako urtegiak estalitako herrietako bizilagunak omendu dituzte
50eko hamarkadan urtegia eraikitzeko urpean geratu ziren Ganboa haraneko herrietako biztanleak omentzeko oroitarria jarri dute, Ramiro Gonzalez Arabako ahaldun nagusia bertan zela. Ganboa, Barrundia eta Arratzua-Ubarrundia inguruko hainbat herri ur azpian geratu ziren.
Boisera joatekoa zen Euskadi Irratiko Urtzi Gartzia lankideari galarazi egin diote AEBra sartzea
Municheko aireportuan zela, haren izena megafonia bidez esan, eta arrazoi zehatzik eman gabe, jakinarazi zioten ezin izango zela Ameriketako Estatu Batuetara sartu. Bidaia egin ahal izateko, Urtzi Gartziak duela hilabete atera zuen bisa, inongo arazorik gabe.
Hiru pertsona atxilotu dituzte Jaso ikastolaren eraikin zaharrean izandako borroka jendetsu batean, Iruñean
Foruzaingoaren arabera, 45 pertsona identifikatu dituzte gaur egun okupatuta dagoen eraikinaren beheko solairuan. Halaber, pertsona bat arma zuriz zauritu dute.
Gaur 25 urte hil zen Felix Iñurrategi, Himalaian
Alberto anaiarekin batera Gasherbrum II zortzimilakoa igo eta bigarren kanpalekutik lehenengora (6.900 m) jaisten ari zirela, 400 metrotik behera amildu zen 2000. urteko uztailaren 28an.